موت — اخترالایمان
شاعر
موت
کون آوارہ ہواؤں کا سبکبار ہجوم
آہ احساس کی زنجیر گراں ٹوٹ گئی
اور سرمایۂ انفاس پریشاں نہ رہا
میرے سینے میں الجھنے لگی فریاد مری
پھر نگاہوں پہ امنڈ آیا ہے تاریک دھواں
ٹمٹمانا ہے مرے ساتھ یہ مایوس چراغ
آج ملتا نہیں افسوس پتنگوں کا نشاں
میرے سینے میں الجھنے لگی فریاد مری
ٹوٹ کر رہ گئی انفاس کی زنجیر گراں
توڑ ڈالے گا یہ کمبخت مکاں کی دیوار
اور میں دب کے اسی ڈھیر میں رہ جاؤں گا
جی الجھتا ہے مری جان پہ بن جائے گی
تھک گیا آج شکاری کی کماں ٹوٹ گئی
لوٹ آیا ہوں بہت دور سے خالی ہاتھوں
آج امید کا دن بیت گیا شام ہوئی
میں نے چاہا بھی مگر تم سے محبت نہ ہوئی
کہ چکے اب تو خدا کے لیے خاموش رہو
ایک موہوم سی خواہش تھی فلک چھونے کی
زنگ آلود محبت کو تجھے سونپ دیا
سرد ہاتھوں سے مری جان مرے ہونٹ نہ سی
گر کبھی لوٹ کے آ جائے وہی سانولی رات
خشک آنکھوں میں جھلک آئے نہ بے سود نمی
زلزلہ اف یہ دھماکا یہ مسلسل دستک
بے اماں رات کبھی ختم بھی ہوگی کہ نہیں
اف یہ مغموم فضاؤں کا المناک سکوت
میرے سینے میں دبی جاتی ہے آواز مری
تیرگی اف یہ دھندلکا مرے نزدیک نہ آ
یہ مرے ہاتھ پہ جلتی ہوئی کیا چیز گری
آج اس اشک ندامت کا کوئی مول نہیں
آہ احساس کی زنجیر گراں ٹوٹ گئی
اور یہ میری محبت بھی تجھے جو ہے عزیز
کل یہ ماضی کے گھنے بوجھ میں دب جائے گی
کون آیا ہے ذرا ایک نظر دیکھ تو لو
کیا خبر وقت دبے پاؤں چلا آیا ہو
زلزلہ اف یہ دھماکا یہ مسلسل دستک
کھٹکھٹاتا ہے کوئی دیر سے دروازے کو
اف یہ مغموم فضاؤں کا المناک سکوت
کون آیا ہے ذرا ایک نظر دیکھ تو لو
توڑ ڈالے گا یہ کمبخت مکاں کی دیوار
اور میں دب کے اسی ڈھیر میں رہ جاؤں گا
Maut
Kaun aawara hawaon ka sabakbaar hujoom
Aah ehsaas ki zanjeer-e-giraan toot gayi
Aur sarmaya-e-anfaas pareshan na raha
Mere seene mein ulajhne lagi fariyaad meri
Phir nigahon pe umand aaya hai tareek dhuaan
Timtimana hai mere saath yeh mayus chirag
Aaj milta nahin afsos patangon ka nishan
Mere seene mein ulajhne lagi fariyaad meri
Toot kar reh gayi anfaas ki zanjeer-e-giraan
Tod daalega yeh kambakht makan ki deewar
Aur main dab ke isi dher mein reh jaunga
Jee ulajhta hai meri jaan pe ban jaegi
Thak gaya aaj shikari ki kamaan toot gayi
Lout aaya hoon bohot door se khaali haathon
Aaj umeed ka din beet gaya shaam hui
Maine chaha bhi magar tum se mohabbat na hui
Keh chuke ab to Khuda ke liye khamosh raho
Ek mohoom si khwahish thi falak chhoone ki
Zang aalood mohabbat ko tujhe saunp diya
Sard haathon se meri jaan mere hont na si
Gar kabhi lout ke aa jaaye wahi saanwali raat
Khushk aankhon mein jhalak aaye na be-sood nami
Zalzala, uff yeh dhamaka, yeh musalsal dastak
Be-amaan raat kabhi khatam bhi hogi ke nahin
Uff yeh maghmoom fizaon ka almanaak sukoot
Mere seene mein dabi jaati hai aawaz meri
Teergi, uff yeh dhundhlaka mere nazdeek na aa
Yeh mere haath pe jalti hui kya cheez giri
Aaj us ashk-e-nadaamat ka koi mol nahin
Aah ehsaas ki zanjeer-e-giraan toot gayi
Aur yeh meri mohabbat bhi tujhe jo hai azeez
Kal yeh maazi ke ghane bojh mein dab jaegi
Kaun aaya hai zara ek nazar dekh to lo
Kya khabar waqt dabe paon chala aaya ho
Zalzala, uff yeh dhamaka, yeh musalsal dastak
Khatkhataata hai koi der se darwaze ko
Uff yeh maghmoom fizaon ka almanaak sukoot
Kaun aaya hai zara ek nazar dekh to lo
Tod daalega yeh kambakht makan ki deewar
Aur main dab ke isi dher mein reh jaunga
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں