محرومی — اخترالایمان
شاعر
محرومی
تو بھی تقدیر نہیں درد بھی پایندہ نہیں
تجھ سے وابستہ وہ اک عہد وہ پیمان وفا
رات کے آخری آنسو کی طرح ڈوب گیا
خواب انگیز نگاہیں وہ لب درد فریب
اک فسانہ ہے جو کچھ یاد رہا کچھ نہ رہا
میرے دامن میں نہ کلیاں ہیں نہ کانٹے نہ غبار
شام کے سائے میں واماندہ سحر بیٹھ گئی
کارواں لوٹ گیا مل نہ سکی منزل شوق
ایک امید تھی سو خاک بسر بیٹھ گئی
ایک دو راہے پہ حیران ہوں کس سمت بڑھوں
اپنی زنجیروں سے آزاد نہیں ہوں شاید
میں بھی گردش گہہ ایام کا زندانی ہوں
درد ہی درد ہوں فریاد نہیں ہوں شاید
زیر مژگاں تپش آہ کے پگھلائے ہوئے
ڈبڈباتے ہوئے تاروں سے مجھے کیا لینا
تیرے آنسو مرے داغوں کو نہیں دھو سکتے
تیرے پھولوں کی بہاروں سے مجھے کیا لینا
اپنے انجام کی تشویش اب آئندہ نہیں
Mehroomi
Tu bhi taqdeer nahin dard bhi paainda nahin
Tujh se waabasta woh ik ahd woh paimaan-e-wafa
Raat ke aakhiri aansoo ki tarah doob gaya
Khwaab-angez nigaahain woh lab-e-dard-fareb
Ik fasaana hai jo kuch yaad raha kuch na raha
Mere daaman mein na kaliyan hain na kaante na ghubaar
Shaam ke saaye mein waamaanda sahar baith gayi
Kaarwaan loot gaya mil na saki manzil-e-shauq
Ek ummeed thi so khaak basar baith gayi
Ek do raahe pe hairaan hoon kis simt badhoon
Apni zanjeeron se aazaad nahin hoon shayad
Main bhi gardish-geh-e-ayyaam ka zindaani hoon
Dard hi dard hoon faryaad nahin hoon shayad
Zair-e-mizhgaan tapish-e-aah ke pighlaaye hue
Dabdabaate hue taaron se mujhe kya lena
Tere aansoo mere daagh-on ko nahin dho sakte
Tere phoolon ki bahaaron se mujhe kya lena
Apne anjaam ki tashweesh ab aainda nahin
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں