نقش پا — اخترالایمان
شاعر
نقش پا
یہ نیم خواب گھاس پر اداس اداس نقش پا
کچل رہا ہے شبنمی لباس کی حیات کو
وہ موتیوں کی بارشیں فضا میں جذب ہو گئیں
جو خاکدان تیرہ پر برس رہی تھیں رات کو
یہ رہروان زندگی خبر نہیں کہاں گئے
وہ کون سا جہان ہے ازل نہیں ابد نہیں
دراز سے دراز تر ہیں حلقہ ہائے روز و شب
یہ کس مقام پر ہوں میں کہ بندشوں کی حد نہیں
ہے مرکز نگاہ پر چٹان سی کھڑی ہوئی
ادھر چٹان سے پرے وسیع تر ہے تیرگی
اسے پھلانگ بھی گیا تو اس طرف خبر نہیں
عدم خراب تر ملے نہ موت ہو نہ زندگی
ہزار بار چاہتا ہوں بندشوں کو توڑ دوں
مگر یہ آہنی رسن یہ حلقہ ہائے بندگی
لپٹ گئے ہیں پاؤں سے لہو میں جذب ہو گئے
میں نقش پائے عمر ہوں فریب خوردۂ خوشی
کوئی نیا افق نہیں جہاں نظر نہ آ سکیں
یہ زرد زرد صورتیں یہ ہڈیوں کے جوڑ سے
ہوا کے بازوؤں میں کاش اتنی تاب آ سکے
دکھا سکیں وہ عہد نو ہی زندگی کے موڑ سے
Naqsh-e-Pa
Yeh neem khwaab ghaas par udaas udaas naqsh-e-pa
Kuchal raha hai shabnami libaas ki hayaat ko
Woh motiyon ki baarishain fizaa mein jazb ho gayin
Jo khaakdaan-e-teerah par baras rahi theen raat ko
Yeh rehrawaane zindagi khabar nahin kahan gaye
Woh kaun sa jahaan hai azal nahin abad nahin
Daraaz se daraaz tar hain halqa haaye roz-o-shab
Yeh kis muqaam par hoon main ke bandishon ki had nahin
Hai markaz-e-nigah par chataan si khadi hui
Idhar chataan se pare wasee' tar hai teeragi
Usay phalang bhi gaya to us taraf khabar nahin
Adam kharaab tar miley na maut ho na zindagi
Hazaar baar chahta hoon bandishon ko tod doon
Magar yeh aahani rasan yeh halqa haaye bandagi
Lapat gaye hain paao'n se lahu mein jazb ho gaye
Main naqsh-e-paaye umr hoon faraib-khurdah-e-khushi
Koi naya ufuq nahin jahaan nazar na aa sakain
Yeh zard zard sooratain yeh haddiyon ke jod se
Hawa ke baazu'on mein kaash itni taab aa sakay
Dikha sakain woh ahd-e-nau hi zindagi ke mod se
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں