پکنک — اخترالایمان
شاعر
پکنک
سماں سہانا تھا ٹھنڈی ہوا کے جھونکوں سے
بدن کو تازگی ملتی تھی روح میں جیسے
اضافہ ہوتا سا محسوس ہو رہا تھا مجھے
فضا میں اڑتے ہوئے مست ابر کے ٹکڑے
یہ لگ رہا تھا بہاروں کے ہیں فرستادے
خیال آیا کہ موسم کا لطف لیں سب دوست
مرے تو جاتے ہیں جینے کو آج کھل کے جئیں
عظیم شہر کی آلودہ اس فضا سے پرے
کہیں بھی مل کے چلیں ساتھ بیٹھیں کھائیں پئیں
مرا پڑوسی بڑا پیارا آدمی تھا اسے
گلی میں آن کے آواز دی غلام رسول
معاً مجھے یہ خیال آیا میرا ہمسایہ
اب اس جہاں میں نہیں بن چکا ہے وقت کی دھول
جو پچھلے سال اچانک بھڑک اٹھے تھے یہاں
وہ فرقہ واری فسادات کھا گئے اس کو
Picnic
Samaan suhana tha thandi hawa ke jhonkon se
Badan ko taazgi milti thi rooh mein jaise
Izaafa hota sa mehsoos ho raha tha mujhe
Fiza mein udte hue mast abr ke tukde
Yeh lag raha tha baharon ke hain faristaade
Khayal aaya ke mausam ka lutf len sab dost
Mare to jaate hain jeene ko aaj khul ke jee-en
Azeem shahar ki aalooda is fiza se pare
Kahin bhi mil ke chalen saath baithen khayen piyen
Mera padosi bada pyara aadmi tha use
Gali mein aan ke aawaz di Ghulam Rasool
Maan mujhe yeh khayal aaya mera hamsaya
Ab is jahan mein nahin ban chuka hai waqt ki dhool
Jo pichhle saal achanak bhadak uthe thay yahan
Woh firqa-wari fasadaat kha gaye us ko
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں