قلو بطرہ — اخترالایمان
شاعر
قلو بطرہ
شام کے دامن میں پیچاں نیم افرنگی حسیں
نقرئی پاروں میں اک سونے کی لاگ
رہ گزر میں یا خراماں سرد آگ
یا کسی مطرب کی لے اک تشنہ تکمیل راگ
ایک بحر بیکراں کی جھلملاتی سطح پر
ضو فگن افسانہ ہائے رنگ و نور
نیلے نیلے دو کنول موجوں سے چور
بہتے بہتے جو نکل جائیں کہیں ساحل سے دور
چاند سی پیشانیوں پر زرفشاں لہروں کا جال
احمریں اڑتا ہوا رنگ شراب
جم گئی ہیں اشعۂ صد آفتاب
گردنوں کے پیچ و خم میں گھل گیا ہے ماہتاب
عشرت پرویز میں کیا نالہ ہائے تیز تیز
اڑ گیا دن کی جوانی کا خمار
شام کے چہرے پہ لوٹ آیا نکھار
ہو چکے ہیں ہو رہے ہیں اور دامن داغدار
اس کا زریں تخت سیمیں جسم ہے آنکھوں سے دور
جام زہر آلود سے اٹھتے ہیں جھاگ
چونک کر انگڑائیاں لیتے ہیں ناگ
جاگ انطونیؔ محبت سو رہی ہے جاگ جاگ
Qalo Batarah
Shaam ke daaman mein pechaan neem-afrangi haseen
Nuqrai paaron mein ik sonay ki laagh
Reh guzar mein ya kharama sard aag
Ya kisi mutrib ki lay ik tishna takmeel raag
Ek behr-e-bekaraan ki jhilmilati satah par
Zau-figan afsaana-haye-rang-o-noor
Neele neele do kanwal maujon se choor
Behte behte jo nikal jaayen kahin saahil se door
Chaand si peshaniyon par zar-fashaan lehron ka jaal
Ahmerin udta hua rang-e-sharaab
Jam gai hain ash'aa-e-sad aaftaab
Gardanon ke pech-o-kham mein ghul gaya hai mahtaab
Ishrat-e-Parvez mein kya naala-haye teez teez
Ud gaya din ki jawani ka khumaar
Shaam ke chehre pe laut aaya nikhaar
Ho chuke hain ho rahe hain aur daaman daaghdar
Us ka zarreen takht-e-seemeen jism hai aankhon se door
Jaam-e-zehr-aalood se uthte hain jhaag
Chaunk kar angdaaiyan lete hain naag
Jaag Anthony! Mohabbat so rahi hai jaag jaag
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں