راہ فرار — اخترالایمان
شاعر
راہ فرار
ادھر سے نہ جاؤ
ادھر راہ میں ایک بوڑھا کھڑا ہے
جو پیشانیوں اور چہروں
پہ ایسی بھبھوت ایک مل دے گا سب جھریاں پھٹ پڑیں گی
سیہ، مار جیسے، چمکتے ہوئے کالے بالوں
پہ ایسی سپیدی امنڈ آئے گی کچھ تدارک نہیں جس کا کوئی
کوئی راستہ اور ڈھونڈو
کہ اس پیر فرتوت کی تیز نظروں سے بچ کر
نکل جائیں اور اس کی زد میں نہ آئیں کبھی ہم
ادھر سے نہ جاؤ
ادھر میں نے اک شخص کو جاتے دیکھا ہے اکثر
جوانوں کو جو راہ میں روک لیتا ہے ان سے
وہیں باتیں کرتا ہے مل کر
جو سقراط کرتا تھا یونان کے منچلوں سے
یقیناً اسے ایک دن زہر پینا پڑے گا
ادھر سے نہ جاؤ
ادھر روشنی ہے
کہیں آؤ چھپ جائیں جاکر تمام آفتوں سے
مجھے ایک تہہ خانہ معلوم ہے خوشنما سا
جو شاہان دہلی نے بنوایا تھا اس غرض سے
کہ ابدالیوں، نادری فوج کی دسترس سے
بچیں اور بیٹھے رہیں سارے ہنگاموں کی زد سے ہٹ کر
یہ دراصل میراث ہے آپ کی میری سب کی
سلاطین دہلی سے پہلے کسی اور نے اس کی بنیاد رکھی تھی لیکن
وہ اب قبل تاریخ کی بات ہے کون جانے
ادھر سے نہ جاؤ
ادھر شاہ نادر نہیں آج کوئی بھی لیکن
وہی قتل عام آج بھی ہو رہا ہے
یہ میراث ہے آپ کی میری سب کی
یہ سوغات بیرونی حاکم ہمیں دے گئے ہیں
چلو سامنے کے اندھیرے میں گھس کر
اتر جائیں تہہ خانے کی خامشی میں
یہ سب کھڑکیاں بند کر دیں
کوئی چیخنے بین کرنے کی آواز ہم تک نہ آئے
کوئی خون کی چھینٹ دامن پہ آکر نہ بیٹھے
کبھی تم نے گانجا پیا ہے؟
کوئی بھنگ کا شوق، کوئی جڑی بوٹی کھائی
نہ کوکین افیون کچھ بھی
کبھی کوئی نشہ نہیں تم نے چکھا
نہ اغلام امرد پرستی سے رشتہ رہا ہے
کوئی تجربہ بھی نہیں زندگی کا؟
فسادات دیکھے تھے تقسیم کے وقت تم نے
ہوا میں اچھلتے ہوئے ڈنٹھلوں کی طرح شیر خواروں کو دیکھا تھا کٹتے
اور پستاں بریدہ جواں لڑکیاں تم نے دیکھی تھیں کیا بین کرتے؟
نہیں یہ تو نشہ نہیں تجربہ بھی نہیں ایسا کوئی
یہ اک سانحہ ہے
فراموش گاری کا احسان مانو
یہ سب کل کی باتیں ہیں، بوسیدہ باتیں
جنہیں بھول جانا بہتر
فراموش گاری بھی
اک نعمت بے بہا ہے
ادھر سے نہ جاؤ
کوئی راہ میں روک لے گا
نیا کوئی خطرہ نیا مسئلہ کوئی جس کو
نہ سوچا نہ سمجھا نہ احساس ہے جس کا اب تک
کوئی ایسی صورت نکالو
یہ سب آفتیں اپنا دامن نہ پکڑیں
کوئی اور راہ فرار ایسی ڈھونڈو
کہ ہم زندگی کے جہنم کو جنت سمجھ لیں!
Raah-e-Faraar
Idhar se na jao
Idhar raah mein ek boodha khada hai
Jo peshaniyon aur chehron
Pe aisi bhabhoot ek mal dega sab jhurriyaan phat padengi
Siyah, maar jaise, chamakte hue kaale baalon
Pe aisi safedi umand aayegi kuch tadaaruk nahin jis ka koi
Koi raasta aur dhoondho
Ke us peer-e-fartooth ki tez nazron se bach kar
Nikal jaayen aur us ki zad mein na aayen kabhi hum
Idhar se na jao
Idhar maine ek shakhs ko jaate dekha hai aksar
Jawanon ko jo raah mein rok leta hai un se
Wahin baatein karta hai mil kar
Jo Socrates karta tha Yunan ke manchaloon se
Yaqeenan use ek din zehar peena padega
Idhar se na jao
Idhar roshni hai
Kahin aao chhup jaayen ja kar tamaam aafton se
Mujhe ek teh-khana maloom hai khushnuma sa
Jo shahan-e-Dehli ne banwaya tha is gharaz se
Ke Abdaliyon, Nadiri fauj ki dastaras se
Bachen aur baithe rahen saare hangamon ki zad se hat kar
Yeh dar'asal miraas hai aap ki, meri, sab ki
Salaateen-e-Dehli se pehle kisi aur ne is ki buniyad rakhi thi lekin
Woh ab qabl-e-tareekh ki baat hai kaun jaane
Idhar se na jao
Idhar Shah Nader nahin aaj koi bhi lekin
Wahi qatl-e-aam aaj bhi ho raha hai
Yeh miraas hai aap ki, meri, sab ki
Yeh saughaat berooni haakim hamein de gaye hain
Chalo saamne ke andhere mein ghus kar
Utar jaayen teh-khane ki khamoshi mein
Yeh sab khidkiyan band kar dein
Koi cheekhne, bain karne ki aawaz hum tak na aaye
Koi khoon ki chheent daaman pe aa kar na baithe
Kabhi tum ne gaanja piya hai?
Koi bhang ka shauq, koi jadi booti khai
Na cocaine, afeem kuch bhi
Kabhi koi nasha nahin tum ne chakkha
Na aghlaam amrad-parasti se rishta raha hai
Koi tajurba bhi nahin zindagi ka?
Fasaadaat dekhe thhe taqseem ke waqt tum ne
Hawa mein uchhalte hue danthlon ki tarah sheer-khwaron ko dekha tha katte
Aur pistaan-bareeda jawan ladkiyan tum ne dekhi thheen kya bain karte?
Nahin yeh toh nasha nahin, tajurba bhi nahin aisa koi
Yeh ek saniha hai
Faraamoshgaari ka ehsaan maano
Yeh sab kal ki बातें hain, boseeda baatein
Jinhein bhool jaana behtar
Faraamoshgaari bhi
Ek ne'mat-e-be-baha hai
Idhar se na jao
Koi raah mein rok lega
Naya koi khatra, naya masla koi jis ko
Na socha, na samjha, na ehsaas hai jis ka ab tak
Koi aisi soorat nikalo
Yeh sab aaftain apna daaman na pakdein
Koi aur raah-e-faraar aisi dhoondho
Ke hum zindagi ke jahannum ko jannat samajh lein!
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں