سکون — اخترالایمان
شاعر
سکون
نہ زہر خندہ لبوں پر، نہ آنکھ میں آنسو
نہ زخم ہائے دروں کو ہے جستجوئے مآل
نہ تیرگی کا تلاطم، نہ سیل رنگ و نور
نہ خار زار تمنا میں گمرہی کا خیال
نہ آتش گل لالہ کا داغ سینے میں
نہ شورش غم پنہاں نہ آرزوئے وصال
نہ اشتیاق، نہ حیرت، نہ اضطراب، نہ سوگ
سکوت شام میں کھوئی ہوئی کہانی کا
طویل رات کی تنہائیاں نہیں بے رنگ
ابھی ہوا نہیں شاید لہو جوانی کا
حیات و موت کی حد میں ہیں ولولے چپ چاپ
گزر رہے ہیں دبے پاؤں قافلے چپ چاپ
Sukoon
Na zehr-e-khanda labon par, na aankh mein aansoo
Na zakhm-haye-daroon ko hai justajoo-e-maal
Na teeragi ka talatum, na sail-e-rang-o-noor
Na khaar-zaar-e-tamanna mein gumrahi ka khayal
Na aatish-e-gul-e-lala ka daagh seenay mein
Na shorish-e-gham-e-pinhaan na aarzoo-e-visaal
Na ishtiyaaq, na hairat, na iztiraab, na sog
Sukoot-e-shaam mein khoi hui kahani ka
Taveel raat ki tanhaaiyan nahin be-rang
Abhi hua nahin shayad lahoo jawani ka
Hayaat-o-maut ki hadd mein hain walwalay chup chaap
Guzar rahe hain dabay paaon qaafle chup chaap
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں