تبدیلی — اخترالایمان
شاعر
تبدیلی
اس بھرے شہر میں کوئی ایسا نہیں
جو مجھے راہ چلتے کو پہچان لے
اور آواز دے او بے او سرپھرے
دونوں اک دوسرے سے لپٹ کر وہیں
گرد و پیش اور ماحول کو بھول کر
گالیاں دیں ہنسیں ہاتھاپائی کریں
پاس کے پیڑ کی چھاؤں میں بیٹھ کر
گھنٹوں اک دوسرے کی سنیں اور کہیں
اور اس نیک روحوں کے بازار میں
میری یہ قیمتی بے بہا زندگی
ایک دن کے لیے اپنا رخ موڑ لے
Tabdeeli
Is bhare shahar mein koi aisa nahin
Jo mujhe raah chalte ko pehchaan le
Aur awaaz de o be o sarphire
Donon ek doosre se lipat kar wahin
Gard-o-pesh aur mahol ko bhool kar
Gaaliyan dein, hansein, hathapai karein
Paas ke ped ki chhaon mein baith kar
Ghanton ek doosre ki sunein aur kahein
Aur is nek roohon ke bazaar mein
Meri yeh qeemti be-baha zindagi
Ek din ke liye apna rukh mod le
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں