واپسی — اخترالایمان
شاعر
واپسی
خاموش ہے گنگ ہے سیہ پوش
ماضی کے محل کی کہنہ دیوار
ٹوٹا نہیں بے حسی کا پندار
چھوڑا تھا اسی محل کے پیچھے
احباب کو صرف نغمہ و ساز
رکھتے تھے شرارتوں کی بنیاد
ہوتا تھا محبتوں کا آغاز
لوٹا ہوں تو محفلیں ہیں خاموش
آتی نہیں قہقہوں کی آواز
زنداں کی حدوں میں کھو گئے ہیں
دیوانے بہل کے سو گئے ہیں
دروازوں پہ دے رہا ہوں آواز
خاموش ہے گنگ ہے سیہ پوش
ماضی کے محل کی کہنہ دیوار
پھیلائے ہوئے زمیں ہے آغوش
تاریکی میں ڈھونڈھتا ہوں راہیں
سورج کو ترس گئیں نگاہیں
Wapsi
Khamosh hai gung hai siyah posh
Maazi ke mahal ki kohna deewar
Toota nahin be-hisi ka pindar
Chhoda tha usi mahal ke peechhe
Ahbab ko sirf naghma-o-saaz
Rakhte the shararaton ki bunyad
Hota tha mohabbaton ka aaghaz
Lauta hoon to mahfilen hain khamosh
Aati nahin qahqahon ki awaz
Zindaan ki haddon mein kho gaye hain
Deewane bahal ke so gaye hain
Darwazon pe de raha hoon awaz
Khamosh hai gung hai siyah posh
Maazi ke mahal ki kohna deewar
Phailaye hue zameen hai aaghosh
Tareeki mein dhundhta hoon rahen
Suraj ko taras gayin nigahen
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں