زندگی کا وقفہ — اخترالایمان
شاعر
زندگی کا وقفہ
رات سناٹے کی چادر میں پڑی ہے لپٹی
پتیاں سڑکوں کی سب جاگ رہی ہیں جیسے
دیکھنا چاہتی ہیں شہر میں کیا ہوتا ہے
میں ہمیشہ کی طرح ہونٹوں میں سگریٹ کو دبائے
سونے سے پہلے خیالات میں کھویا ہوا ہوں
دن میں کیا کچھ کیا اک جائزہ لیتا ہے ضمیر
ایک سادہ سا ورق نامۂ اعمال ہے سب
کچھ نہیں لکھا بجز اس کے پسے جاؤ یوں ہی
کچھ نہیں لکھا بس اک اتنا کہ انساں کا نصیب
گیلی گوندھی ہوئی مٹی کا ہے اک تودہ سا
دن میں سو شکلیں بنا کرتی ہیں اس مٹی سے
کچھ نہیں لکھا بس اک اتنا کہ چیونٹی دل ہے
جوق در جوق جو انسان نظر آتے ہیں
دانہ لے کر کسی دیوار پہ چڑھنا گرنا
اور پھر چڑھنا چڑھے جانا یوں ہی شام و سحر
کچھ نہیں لکھا بس اتنا کہ پسے جاؤ یوں ہی
اور اندوہ تأسف خوشی آلام نشاط
خود کو سو ناموں سے بہلاتے رہو چلتے رہو
سانس رک جائے جہاں سمجھو وہیں منزل ہے
اور اس دوڑ سے تھک جاؤ تو سگریٹ پی لو
Zindagi ka Waqfa
Raat sannate ki chadar mein padi hai lipati
Pattiyan sadkon ki sab jaag rahi hain jaise
Dekhna chahti hain shehar mein kya hota hai
Main hamesha ki tarah honton mein cigarette ko dabaye
Sone se pehle khayalat mein khoya hua hoon
Din mein kya kuch kiya ek jaiza leta hai zameer
Ek saada sa waraq nama-e-aamaal hai sab
Kuch nahi likha bajuz is ke pise jaao yoon hi
Kuch nahi likha bas ek itna ke insaan ka naseeb
Geeli goondhi hui mitti ka hai ek toda sa
Din mein sau shaklein bana karti hain is mitti se
Kuch nahi likha bas ek itna ke cheenti dil hai
Jauq dar jauq jo insaan nazar aate hain
Daana le kar kisi deewar pe chadhna girna
Aur phir chadhna chadhe jaana yoon hi shaam-o-sehar
Kuch nahi likha bas itna ke pise jaao yoon hi
Aur andoh-e-tassuf khushi aalaam nishaat
Khud ko sau naamon se behlate raho chalte raho
Saans ruk jaaye jahan samjho wahin manzil hai
Aur is daud se thak jaao to cigarette pee lo
شاعر کے بارے میں
اخترالایمان اردو نظم کے اُن اہم جدید شعرا میں شمار ہوتے ہیں جنہوں نے روایت کی تقلید کے بجائے فرد کی داخلی سچائی کو اپنی شاعری کا مرکز بنایا۔ ان کا ...
مکمل تعارف پڑھیں