امجد اسلام امجد — شاعر کی تصویر

ہَوا بُرد — امجد اسلام امجد

شاعر

تعارف شاعری

ہَوا بُرد

مِرے ہم سَفر
مِرے جسم و جاں کے ہر ایک رشتے سے معتبر، مرے ہم سَفر
تجھے یاد ہیں! تجھے یاد ہیں!
وہ جو قربتوں کے سُرور میں
تری آرزو کے حصار میں
مِری خواہشوں کے وفور میں
کئی ذائقے تھے گُھلے ہُوئے
درِ گلستاں سے بہار تک
وہ جو راستے تھے، کُھلے ہُوئے!
سرِ لوحِ جاں،
کسی اجنبی سی زبان کے
وہ جو خُوشنما سے حروف تھے!
وہ جو سرخوشی کا غبار سا تھا چہار سُو
جہاں ایک دُوجے کے رُوبرو
ہمیں اپنی رُوحوں میں پھیلتی کسی نغمگی کی خبر ملی
کِسی روشنی کی نظر ملی،
ہمیں روشنی کی نظر ملی تو جو ریزہ ریزہ سے عکس تھے
وہ بہم ہُوئے
وہ بہم ہُوئے تو پتہ چلا
کہ جو آگ سی ہے شرر فشاں مِری خاک میں
اُسی آگ کا
کوئی اَن بُجھا سا نشان ہے، تری خاک میں!
اسی خاکداں میں وہ خواب ہے
جسے شکل دینے کے واسطے
یہ جو شش جہات کا کھیل ہے یہ رواں ہُوا
اسی روشنی سے ’’مکاں‘‘ بنا‘ اسی روشنی سے ’’زماں‘‘ ہُوا
یہ جو ہر گُماں کا یقین ہے!
وہ جو ہر یقیں کا گمان تھا!
اسی داستاں کا بیان تھا!

Hawa Burd

Mire humsafar
Mire jism-o-jaan ke har ek rishte se mo'tabar, mire humsafar
Tujhe yaad hain! Tujhe yaad hain!
Woh jo qurbatoN ke suroor mein
Teri aarzoo ke hisaar mein
Mire khwahishoN ke wufuur mein
Kai zaaiqe the ghulle hue
Dar-e-gulistaaN se bahaar tak
Woh jo raaste the, khulle hue!
Sar-e-lauh-e-jaan,
Kisi ajnabi si zubaan ke
Woh jo khushnuma se huroof the!
Woh jo sarkhoshi ka ghubaar sa tha chahaar soo
JahaN ek dooje ke rubaru
HameiN apni roohoN mein phailti kisi naghmagi ki khabar mili
Kisi roshni ki nazar mili,
HameiN roshni ki nazar mili to jo reeza reeza se aks the
Woh baham hue
Woh baham hue to pata chala
Ke jo aag si hai sharar fishaaN mire khaak mein
Usi aag ka
Koi un bujha sa nishaaN hai, teri khaak mein!
Isi khaakdaN mein woh khwab hai
Jise shakl dene ke waaste
Yeh jo shash jehaat ka khel hai yeh rawaaN hua
Isi roshni se ''makaaN'' bana '' isi roshni se ''zamaaN'' hua
Yeh jo har gumaaN ka yaqeen hai!
Woh jo har yaqeeN ka gumaaN tha!
Isi dastaaN ka bayaan tha!

شاعر کے بارے میں

امجد اسلام امجد

امجد اسلام امجد اردو ادب کے اُن درخشاں ستاروں میں سے تھے جنہوں نے شاعری، نثر اور ڈرامہ نگاری میں یکساں شہرت حاصل کی۔ ۴ اگست ۱۹۴۴ کو لاہور میں پیدا ...

مکمل تعارف پڑھیں

دیگر کلام