کہو تو لوٹ جاتے ہیں — امجد اسلام امجد
شاعر
کہو تو لوٹ جاتے ہیں
کہو تو لوٹ جاتے ہیں!
ابھی تو بات لمحوں تک ہے، سالوں تک نہیں آئی
ابھی مسکانوں کی نوبت بھی، نالوں تک نہیں آئی
ابھی تو کوئی مجبوری، خیالوں تک نہیں آئی
ابھی تو گرد پیروں تک ہے، بالوں تک نہیں آئی
کہو تو لوٹ جاتے ہیں
چلو اک فیصلہ کرنے، شجر کی اور جاتے ہیں
ابھی کاجل کی ڈوری۔ سرخ گالوں تک نہیں آئی
زباں دانتوں تلک ہے، زہر پیالوں تک نہیں آئی
ابھی تو مشک کستوری غزالوں تک نہیں آئی
ابھی روداد بے عنواں
ہمارے درمیاں ہے دنیا والوں تک نہیں آئی
کہو تو لوٹ جاتے ہیں
ابھی نزدیک ہیں گھر اور منزل دور ہے اپنی
مبادا نار ہو جائے یہ ہستی نور ہے اپنی
کہو تو لوٹ جاتے ہیں
یہ رستہ پیار کا رستہ رسن کا دار کا رستہ
بہت دشوار ہے جاناں۔ ۔ ۔ ۔
کہ اس رستے کا ہر ذرہ بھی اک کہسار ہے جاناں
کہو تو لوٹ جاتے ہیں
میرے بارے نہ کچھ سوچو مجھے طے کرنا آتا ہے
رسن کا، دار کا رستہ
یہ آسیبوں بھرا رستہ، یہ اندھی غار کا رستہ
تمہارا نرم و نازک ہاتھ ہوگر میرے ہاتھوں میں
تو میں سمجھوں کہ جیسے دو جہاں ہیں میری مٹھی میں
تمہارا قرب ہو تو، مشکلیں کافور ہو جائیں
یہ اندھے اور کالے راستے پر نور ہو جائیں
تمہارے گیسووں کی چھاوں مل جائے
تو سورج سے الجھنا بات ہی کیا ہے
اٹھا لو اپنا سایہ تو، میری اوقات ہی کیا ہے؟
میرے بارے نہ کچھ سوچو، تم اپنی بات بتلاو
کہو !
تو چلتے رہتے ہیں
کہو !!
تو لوٹ جاتے ہیں !!
Kaho to lauṭ jaate haiñ!
Kaho to lauṭ jaate haiñ!
Abhī to bāt lamhoñ tak hai, sāloñ tak nahīñ āī
Abhī muskānoñ kī nau'bat bhī, nāloñ tak nahīñ āī
Abhī to koī majbūrī, khayāloñ tak nahīñ āī
Abhī to gard pairoñ tak hai, bāloñ tak nahīñ āī
Kaho to lauṭ jaate haiñ
Chalo ik faisla karne, shajar kī aur jaate haiñ
Abhī kājal kī ḍorī. Surkh gāloñ tak nahīñ āī
Zabān dāntoñ talak hai, zehr pyāloñ tak nahīñ āī
Abhī to mushk-e-kastūrī ghazāloñ tak nahīñ āī
Abhī rudād be-unvāñ
Hamāre darmiyān hai duniyā wāloñ tak nahīñ āī
Kaho to lauṭ jaate haiñ
Abhī nazdīk haiñ ghar aur manzil dūr hai apnī
Mabādā nār ho jāe ye hastī nūr hai apnī
Kaho to lauṭ jaate haiñ
Ye rastā pyār kā rastā rasan kā dār kā rastā
Bahut dushwār hai jānāñ....
Ki is raste kā har zarra bhī ik kohsār hai jānāñ
Kaho to lauṭ jaate haiñ
Mere bāre na kuchh socho mujhe tai karnā ātā hai
Rasan kā, dār kā rastā
Ye āsīboñ bharā rastā, ye andhī ghār kā rastā
Tumhārā narm o nāzuk hāth hogar mere hāthoñ mein
To maiñ samjhūñ ki jaise do jahāñ haiñ merī muṭṭhī mein
Tumhārā qurb ho to, mushkileñ kāfūr ho jāeñ
Ye andhe aur kāle rāste pur-nūr ho jāeñ
Tumhāre gīsūoñ kī chhāoñ mil jāe
To sūraj se ulajhnā bāt hī kyā hai
Uṭhā lo apnā sāyā to, merī auqāt hī kyā hai?
Mere bāre na kuchh socho, tum apnī bāt batlāo
Kaho !
To chalte rahte haiñ
Kaho !!
To lauṭ jaate haiñ !!
شاعر کے بارے میں
امجد اسلام امجد اردو ادب کے اُن درخشاں ستاروں میں سے تھے جنہوں نے شاعری، نثر اور ڈرامہ نگاری میں یکساں شہرت حاصل کی۔ ۴ اگست ۱۹۴۴ کو لاہور میں پیدا ...
مکمل تعارف پڑھیں