چوپایہ — انجم سلیمی
شاعر
چوپایہ
چوپایہ
اپنے بابا جانی کی یاد میں
انجم سلیمی
پوٹہ پوٹہ ،انگلی انگلی
میں ہاتھوں پیروں سے چلنا سیکھ رہا ہوں
بابا جانی
تو نے میرا ہاتھ پکڑ کر
پیروں پر چلنا تو بتایا
پر ہاتھوں سے چلنے کی محنت نہ سکھائی
میں تیرا شہزادہ تھا
پر اس دنیا کا خادم ہوں
پیٹھ پہ اس کا بوجھ اٹھا کر چلنا کتنا بھاری ہے
سوئے ہوئے بابا کی مٹی
دیکھ سکے تو دیکھ مُجھے
کبڑا ہوتا جاتا ہوں
رزق اور چابک والا ہاتھ مرا مالک ہے
اسی لئے تو
دو ہاتھوں اور دو پیروں سے چلنا سیکھتا جاتا ہوں
چوپایہ ہونے میں ایک سہولت ہے
اب میں قدرے آسانی سے
دنیا اور دنیا داری کا بوجھ اٹھا کے چل سکتا ہوں
Chaupaya
Chaupaya
Apne Baba Jaani ki yaad mein
Anjum Saleemi
Pota pota, ungli ungli
Main hathon pairon se chalna seekh raha hoon
Baba Jaani
Tu ne mera haath pakad kar
Pairon par chalna to bataya
Par hathon se chalne ki mehnat na sikhai
Main tera shehzada tha
Par is dunya ka khadim hoon
Peeth pe uska bojh utha kar chalna kitna bhaari hai
Soye hue Baba ki mitti
Dekh sake to dekh mujhe
Kabra hota jata hoon
Rizq aur chaabuk wala haath mera maalik hai
Isi liye to
Do hathon aur do pairon se chalna seekhta jata hoon
Chaupaya hone mein ek sahoolat hai
Ab main qadre aasani se
Dunya aur dunya-dari ka bojh utha ke chal sakta hoon
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں