اسے چھوتے ہوئے بھی ڈر رہا تھا — انجم سلیمی
شاعر
اسے چھوتے ہوئے بھی ڈر رہا تھا
اسے چھوتے ہوئے بھی ڈر رہا تھا
وہ میرا پہلا پہلا تجربہ تھا
اگرچہ دکھ ہمارے مشترک تھے
مگر جو دو دلوں میں فاصلہ تھا
کبھی اک دوسرے پر کھل نہ پائے
ہمارے درمیاں اک تیسرا تھا
وہ اک دن جانے کس کو یاد کر کے
مرے سینے سے لگ کے رو پڑا تھا
اسے بھی پیار تھا اک اجنبی سے
مرے بھی دھیان میں اک دوسرا تھا
بچھڑتے وقت اس کو فکر کیوں تھی
بسر کرنی تو میرا مسئلہ تھا
وہ جب سمجھا مجھے اس وقت انجمؔ
مرا معیار ہی بدلا ہوا تھا
Usay chhote hue bhi dar raha tha
Usay chhote hue bhi dar raha tha
Woh mera pehla pehla tajruba tha
Agarche dukh hamare mushtarak the
Magar jo do dilon mein faasla tha
Kabhi ek doosre par khul na paaye
Hamare darmiyaan ek teesra tha
Woh ek din jaane kis ko yaad kar ke
Mere seene se lag ke ro pada tha
Usay bhi pyaar tha ek ajnabi se
Mere bhi dhyaan mein ek doosra tha
Bichhadte waqt us ko fikr kyun thi
Basar karni to mera masla tha
Woh jab samjha mujhe is waqt Anjum
Mera mayaar hi badla hua tha
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں