دن لے کے جاؤں ساتھ اسے شام کر کے آؤں — انجم سلیمی
شاعر
دن لے کے جاؤں ساتھ اسے شام کر کے آؤں
دن لے کے جاؤں ساتھ اسے شام کر کے آؤں
بے کار کے سفر میں کوئی کام کر کے آؤں
بے مول کر گئیں مجھے گھر کی ضرورتیں
اب اپنے آپ کو کہاں نیلام کر کے آؤں
میں اپنے شور و شر سے کسی روز بھاگ کر
اک اور جسم میں کہیں آرام کر کے آؤں
کچھ روز میرے نام کا حصہ رہا ہے وہ
اچھا نہیں کہ اب اسے بد نام کر کے آؤں
انجمؔ میں بد دعا بھی نہیں دے سکا اسے
جی چاہتا تو تھا وہاں کہرام کر کے آؤں
Din le ke jaaun saath, usay shaam kar ke aaun
Din le ke jaaun saath, usay shaam kar ke aaun
Bekar ke safar mein koi kaam kar ke aaun
Be-mol kar gayin mujhe ghar ki zaruratein
Ab apne aap ko kahan neelam kar ke aaun
Main apne shor-o-shar se kisi roz bhaag kar
Ek aur jism mein kahin aaraam kar ke aaun
Kuch roz mere naam ka hissa raha hai woh
Achha nahin ke ab usay badnaam kar ke aaun
Anjum, main bad-dua bhi nahin de saka usay
Ji chahta to tha wahan kohraam kar ke aaun
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں