درد وراثت پا لینے سے نام نہیں چل سکتا — انجم سلیمی
شاعر
درد وراثت پا لینے سے نام نہیں چل سکتا
درد وراثت پا لینے سے نام نہیں چل سکتا
عشق میں بابا ایک جنم سے کام نہیں چل سکتا
بہت دنوں سے مجھ میں ہے کیفیت رونے والی
درد فراواں سینے میں کہرام نہیں چل سکتا
تہمت عشق مناسب ہے اور ہم پر جچتی ہے
ہم ایسوں پر اور کوئی الزام نہیں چل سکتا
چم چم کرتے حسن کی تم جو اشرفیاں لائے ہو
اس میزان میں یہ دنیاوی دام نہیں چل سکتا
آنکھ جھپکنے کی مہلت بھی کم ملتی ہے انجمؔ
فقر میں کوئی تن آساں دو گام نہیں چل سکتا
Dard virasat pa lene se naam nahin chal sakta
Dard virasat pa lene se naam nahin chal sakta
Ishq mein Baba ek janam se kaam nahin chal sakta
Bahut dinon se mujh mein hai kaifiyat rone wali
Dard faraawan seene mein kohram nahin chal sakta
Tuhmat-e-ishq munasib hai aur hum par jachti hai
Hum aison par aur koi ilzam nahin chal sakta
Cham cham karte husn ki tum jo ashrafiyan laaye ho
Is mizan mein yeh dunyawi daam nahin chal sakta
Aankh jhapakne ki mohlat bhi kam milti hai Anjum!
Faqr mein koi tan-asaan do gaam nahin chal sakta
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں