ہے زندگی کی طرح گرچہ آنی جانی موت — انجم سلیمی
شاعر
ہے زندگی کی طرح گرچہ آنی جانی موت
ہے زندگی کی طرح گرچہ آنی جانی موت
پڑی ہوئی ہے مگر سب کو موت، یعنی موت
کسی نے نوچ لئے اس کے بال و پر شائد
زمیں پہ رینگتی پھرتی ہے آسمانی موت
سیاہ پڑتی ہوئی آنکھ میں جھماکا ہوا
اتر رہی ہے رگ و پے میں ارغوانی موت
کہاں پہ کیسے،کسے بے خبر دبوچنا ہے
اک ایک سانس سے واقف ہے یہ گیانی موت
کوئی بزرگ بتائے گا لمس کے معنی ؟
نئے لغت میں تو لکھا ہے ،ناگہانی موت
ہمیں سکوت کی ترسیل سے علاقہ ہے
ہماری ٹھیک سے کرتی ہے ترجمانی ،موت
Hai zindagi ki tarah garchay aani jaani maut
Hai zindagi ki tarah garchay aani jaani maut
Padi hui hai magar sab ko maut, yaani maut
Kisi ne noch liye us ke baal-o-par shayad
Zameen pe reengti phirti hai aasmani maut
Siyah padti hui aankh mein jhamaka hua
Utar rahi hai rag-o-pay mein arghawaani maut
Kahan pe kaise, kise bekhabar daboochna hai
Ik ik saans se waqif hai yeh gyani maut
Koi buzurg batayega lams ke maani?
Naye lughat mein to likha hai, naagahaani maut
Hamein sukoot ki tarseel se ilaqa hai
Hamari theek se karti hai tarjumani, maut
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں