ہنسی پرانی ہو سکتی ہے ، آنسو تازہ رہتا ہے — انجم سلیمی
شاعر
ہنسی پرانی ہو سکتی ہے ، آنسو تازہ رہتا ہے
ہنسی پرانی ہو سکتی ہے ، آنسو تازہ رہتا ہے
دکھ سہنے سے زندہ ہونے کا اندازہ رہتا ہے
ایک ہی مطلب ہو سکتا ہے ٹوٹے کانچ لگانے کا
ان دیواروں کے اندر بھی اک دروازہ رہتا ہے
کان لگائے رہتا ہوں اک بھید بھری سرگوشی پر
ورنہ روز تعاقب میں کوئی آوازہ رہتا ہے
دو جسموں کا لمس پڑا ہے اک کروٹ کی دوری پر
لا حاصل کی مد میں ابھی کوئی خمیازہ رہتا ہے
تم پر جچتی ہے زیبائش،صاف گھروں میں رہتے ہو
ہم آئینہ ساز ہیں ، ہم پر دھول کا غازہ رہتا ہے
دل میں نومولود تمنا جتنی قبر کی جگہ نہیں
کاندھوں پر ہر روز کسی خواہش کا جنازہ رہتا ہے
Hansi purani ho sakti hai, aansoo taza rehta hai
Hansi purani ho sakti hai, aansoo taza rehta hai
Dukh sehne se zinda hone ka andaaza rehta hai
Ek hi matlab ho sakta hai toote kaanch lagane ka
In deewaron ke andar bhi ik darwaza rehta hai
Kaan lagaye rehta hoon ik bhed bhari sargoshi par
Warna roz ta'aqub mein koi awaaza rehta hai
Do jismon ka lams pada hai ik karwat ki doori par
La-hasil ki mad mein abhi koi khamiyaaza rehta hai
Tum par jachti hai zebaish,saaf gharon mein rehte ho
Hum aaina-saaz hain, hum par dhool ka ghaaza rehta hai
Dil mein naumolood tamanna jitni qabr ki jagah nahin
Kandhon par har roz kisi khwahish ka janaza rehta hai
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں