انحراف — انجم سلیمی
شاعر
انحراف
انحراف
میں خواجہ سراؤں کے شہر میں پیدا ہوا
میں اپنی تکمیل کا لگان کس کس کو دوں
ماں آٹا گوندھ کر بھوکی سو گئی
اور میں نے مٹی گوندھ کر اپنے لیے ایک خدا بنا لیا
سجدہ میری پیشانی کا زخم ہے
مگر میرا مرہم سفر سقراط کے پیالے میں پڑا ہے
خدا کا بوسہ میرا پہناوا تھا
مجھے بے لباس کر کے کٹہرا پہنا دیا گیا
میری زبان نے جلتے کوئلے کی گواہی چکھی
اور منصف نے میری آواز اپنے ترازو سے چرا لی
میں کیا کروں دیواروں
دیمک کا رزق بن جاؤں
یا چوہوں کو اپنے بدن میں بل بنا لینے دوں
جو میری چھٹی حس کترتا چاہتے ہیں
Inhiraaf
Inhiraaf
Main Khwaja Suraon ke shehar mein paida hua
Main apni takmeel ka lagaan kis kis ko doon
Maan aata goondh kar bhooki so gayi
Aur main ne mitti goondh kar apne liye ek Khuda bana liya
Sajda meri peshani ka zakhm hai
Magar mera marham safar Suqraat ke pyaale mein pada hai
Khuda ka bosa mera pehnawa tha
Mujhe be-libaas kar ke kuttera pehna diya gaya
Meri zubaan ne jalte koile ki gawahi chakhi
Aur munsif ne meri awaz apne tarazu se chura li
Main kya karoon deewaron
Deemak ka rizq ban jaaoon
Ya choohon ko apne badan mein bil bana lene doon
Jo meri chhati hiss kutarta chahte hain
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں