اس سے آگے تو بس لا مکاں رہ گیا — انجم سلیمی
شاعر
اس سے آگے تو بس لا مکاں رہ گیا
اس سے آگے تو بس لا مکاں رہ گیا
یہ سفر بھی مرا رائیگاں رہ گیا
ہو گئے اپنے جسموں سے بھی بے نیاز
اور پھر بھی کوئی درمیاں رہ گیا
راکھ پوروں سے جھڑتی گئی عمر کی
سانس کی نالیوں میں دھواں رہ گیا
اب تو رستہ بتانے پہ مامور ہوں
بے ہدف تیر تھا بے کماں رہ گیا
جب پلٹ ہی چلے ہو اے دیدہ ورو
مجھ کو بھی دیکھنا میں کہاں رہ گیا
مٹ گیا ہوں کسی اور کی قبر میں
میرا کتبہ کہیں بے نشاں رہ گیا
Is se aage toh bas la makan reh gaya
Is se aage toh bas la makaan reh gaya
Yeh safar bhi mira raayegaan reh gaya
Ho gaye apne jismon se bhi be-niyaz
Aur phir bhi koi darmiyan reh gaya
Raakh pooron se jhadti gayi umar ki
Saans ki naliyon mein dhuan reh gaya
Ab toh raste batane pe mamoor hoon
Be-hadaf teer tha be-kamaan reh gaya
Jab palat hi chale ho ae deeda-varo
Mujh ko bhi dekhna main kahan reh gaya
Mit gaya hoon kisi aur ki qabr mein
Mera kutba kahin be-nishaan reh gaya
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں