جس تمازت کی طلب دل میں ہے۔کیا سر میں بھی ہے — انجم سلیمی
شاعر
جس تمازت کی طلب دل میں ہے۔کیا سر میں بھی ہے
جس تمازت کی طلب دل میں ہے۔کیا سر میں بھی ہے
ورنہ کچھ دھوپ تو گلیوں میں بھی ہے گھر میں بھی ہے
اک سلگتی ہوئی آواز نے چونکایا مُجھے
دشت کا ایک کنارہ تو سمندر میں بھی ہے
بھوکے حشرات نے کیا حشر کیا ہے میرا
میں کوئی رزق نہیں تھا کہ جو پتھر میں بھی ہے
ناگواری میں پڑی روح کی سلوٹ ہی نہ ہو
شب جو پیشانی پہ تھی ۔صبح جو بستر میں بھی ہے
وہ اداسی جو نمو پاتی رہی ہے مجھ میں
اس کی تھوڑی سی جھلک ۔شام کے منظر میں بھی ہے
Jis tamazat ki talab dil mein hai. Kya sar mein bhi hai
Jis tamazat ki talab dil mein hai. Kya sar mein bhi hai
Warna kuchh dhoop to galiyon mein bhi hai ghar mein bhi hai
Ik sulagti hui awaaz ne chaunkaaya mujhe
Dasht ka ek kinara to samundar mein bhi hai
Bhooke hashrat ne kya hashr kiya hai mera
Main koi rizq nahin tha ke jo patthar mein bhi hai
Nagawari mein padi rooh ki salwat hi na ho
Shab jo peshani pe thi. Subah jo bistar mein bhi hai
Woh udaasi jo namoo paati rahi hai mujh mein
Us ki thodi si jhalak. Shaam ke manzar mein bhi hai
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں