کبھی کبھار جو اپنے گھر جاتا ہوں میں — انجم سلیمی
شاعر
کبھی کبھار جو اپنے گھر جاتا ہوں میں
کبھی کبھار جو اپنے گھر جاتا ہوں میں
اک آسیب کے کہنے پر جاتا ہوں میں
دل و دماغ پہ دستک ہوتی رہتی ہے
خود میں جھانکتا ہوں تو ڈر جاتا ہوں میں
مجھے ہجوم میں رہنے دو،تمہیں علم نہیں
تنہائی میں بھیڑ سے بھر جاتا ہوں میں
نیند آنے تک اپنے ساتھ گزارتا ہوں
سوجانے کے بعد کدھر جاتا ہوں میں
بعد میں بھی تو وقت نکال کے آؤ گے
فرصت ہے تو پہلے مر جاتا ہوں میں
جھیل کو بھی حیرانی تو ہوتی ہو گی
کیسے چاند کے پار اتر جاتا ہوں میں
جیسے میں دنیا کا آخری آدمی ہوں
خود سے ملنے ادھر ادھر جاتا ہوں میں
Kabhi kabhaar jo apne ghar jaata hoon main
Kabhi kabhaar jo apne ghar jaata hoon main
Ik aaseeb ke kehne par jaata hoon main
Dil o dimaagh pe dastak hoti rehti hai
Khud mein jhaankta hoon to dar jaata hoon main
Mujhe hujoom mein rehne do, tumhe ilm nahin
Tanhai mein bheerh se bhar jaata hoon main
Neend aane tak apne saath guzaarta hoon
So jaane ke baad kidhar jaata hoon main
Baad mein bhi to waqt nikaal ke aao ge
Fursat hai to pehle mar jaata hoon main
Jheel ko bhi hairani to hoti ho gi
Kaise chaand ke paar utar jaata hoon main
Jaise main duniya ka aakhri aadmi hoon
Khud se milne idhar udhar jaata hoon main
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں