خاک چھانی نہ کسی دشت میں وحشت کی ہے — انجم سلیمی
شاعر
خاک چھانی نہ کسی دشت میں وحشت کی ہے
خاک چھانی نہ کسی دشت میں وحشت کی ہے
میں نے اک شخص سے اجرت پہ محبت کی ہے
خود کو دھتکار دیا میں نے تو اس دنیا نے
میری اوقات سے بڑھ کر مری عزت کی ہے
جی میں آتا ہے مری مجھ سے ملاقات نہ ہو
بات ملنے کی نہیں بات طبیعت کی ہے
اب بھی تھوڑی سی مرے دل میں پڑی ہے شاید
زرد سی دھوپ جو دیوار سے رخصت کی ہے
آج جی بھر کے تجھے دیکھا تو محسوس ہوا
آنکھ نے سورۂ یوسف کی تلاوت کی ہے
حال پوچھا ہے مرا پونچھے ہیں آنسو میرے
شکریہ تم نے مرے درد میں شرکت کی ہے
Khaak chhanni na kisi dasht mein wahshat ki hai
Khaak chhanni na kisi dasht mein wahshat ki hai
Main ne ik shakhs se ujrat pe muhabbat ki hai
Khud ko dhutkaar diya main ne to is duniya ne
Meri auqaat se badh kar meri izzat ki hai
Ji mein aata hai meri mujh se mulaqaat na ho
Baat milne ki nahin baat tabiyat ki hai
Ab bhi thodi si mere dil mein padi hai shayad
Zard si dhoop jo deewar se rukhsat ki hai
Aaj ji bhar ke tujhe dekha to mahsoos hua
Aankh ne Surah-e-Yousuf ki tilawat ki hai
Haal poocha hai mera poonchhe hain aansoo mere
Shukriya tum ne mere dard mein shirkat ki hai
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں