میں نے گوتم سے سیکھی ہوئی خامشی — انجم سلیمی
شاعر
میں نے گوتم سے سیکھی ہوئی خامشی
میں نے گوتم سے سیکھی ہوئی خامشی
کی ریاضت میں خود سے تکلم کیا
تب کہیں گہری اور پوری یکسوئی سے
شانت چہرے پہ دھیما تبسم کیا
بھر گئیں میرے لفظوں میں شیرینیاں ،
بیج کھلنے لگے مجھ میں انجیر کے
میں نے برگد کی چھاؤں سے معنی چنے،
خلق بہتی ندی سے ترنم کیا
تاج رکھا مرے پاؤں میں تخت نے،
پیچھے مڑ کر نہ دیکھا مرے بخت نے
خواہشوں کی فصیلیں تنی رہ گئیں ،
لاکھ آسائشوں نے تلاطم کیا
سہل ایسے کیا رخصتی کا سماں،
دل کی شریانوں میں بھر لیا تھا دھواں
آنکھ کو جھلملاتی لویں سونپ دیں،
بالکونی سے مہتاب کو گم کیا
فتح کرنا مجھے کتنا آسان تھا ،
ہنس کے ملنے میں کب کوئی نقصان تھا
تم نے اچھی نگاہوں سے دیکھا تھا بس،
تیغ کھینچی نہ کوئی تصادم کیا
اے مرے عشق میں تیرا ممنون ہوں،
جو بھی ہوں تیری نسبت کا مرہون ہوں
میرے دن کی سیاہی میں روغن بھرا،
میرے شب کے چراغوں کو انجم کیا
Main ne Gautam se seekhi hui khamoshi
Main ne Gautam se seekhi hui khamoshi
Ki riyaazat mein khud se takallum kiya
Tab kahin gehri aur poori yaksooyi se
Shaant chehre pe dheema tabassum kiya
Bhar gayin mere lafzon mein sheeriniyan,
Beej khulne lage mujh mein anjeer ke
Main ne bargad ki chhaon se maani chune,
Khalq behti nadi se tarannum kiya
Taj rakha mere paaon mein takht ne,
Peechhe mur kar na dekha mere bakht ne
Khwahishon ki faseelein tani reh gayin,
Laakh aasaishon ne talatum kiya
Sehal aise kiya rukhsati ka samaan,
Dil ki sharyanon mein bhar liya tha dhuan
Aankh ko jhilmilaati lowein saunp dein,
Balcony se mehtaab ko gum kiya
Fatah karna mujhe kitna aasaan tha,
Hans ke milne mein kab koi nuqsaan tha
Tum ne achhi nigaahon se dekha tha bas,
Tegh kheenchi na koi tasadum kiya
Ae mere ishq main tera mamnoon hoon,
Jo bhi hoon teri nisbat ka marhoon hoon
Mere din ki siyahi mein roghan bhara,
Mere shab ke charaghon ko anjum kiya
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں