میں تمہارے لیے لے کے آیا ہوں — انجم سلیمی
شاعر
میں تمہارے لیے لے کے آیا ہوں
میں تمہارے لیے لے کے آیا ہوں
دفتر سے چرایا ہوا نصف دن
دوستوں سے بچائی ہوئی ایک شام
بچوں سے ٹھگے ہوئے وعدے
بیوی کے حصے سے کچھ نرم گرم لمس
کچھ سوتے جاگتے بوسے
اور خوابوں سے ٹانکی ہوئی یہ رات!
میں تمہارے لیے لے کے آیا ہوں
سر سبز موسموں کے اجلے بیج
قدیم زمانوں سے رستی ہوئی خنک ہوا
آبی کناروں سے سرشار مٹی کی روئیدگی
اور رگوں میں کھلتے ہوئے سفید گلابوں کا شہد!
میں تمہارے لیے لے کے آیا ہوں
بے ترتیب سانسوں کی مالا
دہکتے ہاتھوں کی سرسراہٹ
آنکھوں میں دور تک گونجتی ہوئی خاموشی
اور وجدان میں
ایک بھولی ہوئی مسکراہٹ!
تم نے میرے لیے رکھی ہے
بے کیف تنہائی کی آغوش
ٹھنڈے لمس سے آویزاں مسکراہٹ
پسینے میں بھیگے بستر کے تیور
کھردرے لہجے کی کڑواہٹ
عریاں خواہشوں کی خراشیں
گزری رات کی باسی مہک
اور طلوع ہوتے پچھتاوے کی ایک صبح!
Main tumhare liye le ke aaya hoon
Main tumhare liye le ke aaya hoon
Daftar se churaya hua nisf din
Doston se bachai hui ek shaam
Bachon se thage hue waade
Biwi ke hisse se kuch narm garm lams
Kuch sote jaagte bose
Aur khwabon se taanki hui yeh raat!
Main tumhare liye le ke aaya hoon
Sar sabz mausamon ke ujle beej
Qadeem zamanon se rasti hui khunak hawa
Aabi kinaron se sarshaar mitti ki ruyidgi
Aur ragon mein khilte hue safed gulabon ka shehad!
Main tumhare liye le ke aaya hoon
Be-tarteeb saanson ki maala
Dehakte haathon ki sansanahat
Aankhon mein door tak goonjti hui khamoshi
Aur wajdaan mein
Ek bhooli hui muskurahat!
Tum ne mere liye rakhi hai
Be-kaif tanhayi ki aghosh
Thande lams se aawezaan muskurahat
Paseene mein bheegay bistar ke tevar
Khurdure lehje ki kadwahat
Uryan khwahishon ki kharashain
Guzri raat ki baasi mehak
Aur tuloo hote pachtawe ki ek subah!
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں