مہاجر پرندوں کا سواگت — انجم سلیمی
شاعر
مہاجر پرندوں کا سواگت
دنیا
میں اپنا سارا حسن
تیری ہتھیلی پر رکھ دیتا ہوں
اور تو اپنا سارا زہر
میرے اندر انڈیل دیتی ہے
جانتی ہے ناں
میں زیادہ دیر خالی نہیں رہ سکتا
میری گونج مجھے اپنی لپیٹ میں لیے رکھتی ہے
سہما پڑا رہتا ہوں دیر دیر تک اپنے ہی اندر
اپنے خالی پن کے سناٹے میں
یا پھر دھما چوکڑی کرتی ان کہی نظموں کے شور میں
چپ چاپ بیٹھ رہتا ہوں اپنے ساتھ
کیا اذیت ہے؟
اپنے آپ سے ملتے ہوئے
خود کلامی بھی نہیں ہو پاتی مجھ سے!
''بولتا ہوں تو لفظ زمیں پر گرتے ہیں''
ریزہ ریزہ حرف چن کر آنکھوں سے چومتا ہوں
کہ اپنی سمت لوٹتے سمے
میں انہیں روند کر نہیں گزر سکتا
سو، کہر کی دھند میں گھرے ہوئے
مہاجر پرندوں کے پر اٹھا لاتا ہوں
اپنی کتاب میں رکھنے کے لیے
تب اپنا سونا پن اچھا لگنے لگتا ہے
جب لفظ پرندوں کی طرح میرے آس پاس
اڑتے پھرتے ہیں
ان کے رزق سے بھرا رہتا ہے میرا باطن
وہ اپنی ننھی ننھی چونچیں کھول کر
میرے وجود سے اپنے معنی چگتے ہیں
انہی کی چہکار لے کے آتا ہوں
میں تیرے لیے میری پیاری دنیا!!
Muhajir parindon ka swagath
Duniya
Main apna saara husn
Teri hatheli par rakh deta hoon
Aur tu apna saara zehr
Mere andar undel deti hai
Jaanti hai naa
Main zyada der khaali nahin reh sakta
Meri goonj mujhe apni lapet mein liye rakhti hai
Sehma pada rehta hoon der der tak apne hi andar
Apne khaali pan ke sannate mein
Ya phir dhama chaukdi karti unkahi nazmon ke shor mein
Chup chap baitha rehta hoon apne saath
Kya aziyat hai?
Apne aap se milte hue
Khud-kalami bhi nahin ho paati mujh se!
''Bolta hoon to lafz zameen par girte hain''
Rezah rezah harf chun kar aankhon se choomta hoon
Ke apni simt lautte samay
Main unhein raund kar nahin guzar sakta
So, kohr ki dhund mein ghire hue
Muhajir parindon ke par utha laata hoon
Apni kitaab mein rakhne ke liye
Tab apna sona-pan achha lagne lagta hai
Jab lafz parindon ki tarah mere aas paas
Udate phirte hain
Un ke rizq se bhara rehta hai mera baatin
Woh apni nanhi nanhi chonchen khol kar
Mere wajood se apne maani chugte hain
Inhi ki chehkar le ke aata hoon
Main tere liye meri pyari duniya!!
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں