نیند مبارک — انجم سلیمی
شاعر
نیند مبارک
نیند مبارک
خود ہی خود کو جھڑک جھڑک کر پوچھ رہا ہوں
الماری میں ٹنگا پڑا ہوں
مجھے اتارو، سامنے والی جیب میں دیکھو
اس میں میری بچی کچھی تنہائی ہوگی
مڑا تڑا کچھ میں بھی ہوں گا
گن کے بتاؤ، کتنا کتنا خود پر وہ سب خرچ کروں تو
کتنے روز نکال سکوں گا
کیا بولا؟ میں وہاں نہیں ہوں !!!
دائیں بائیں والی جیبوں میں بھی جھانکو
تھوڑا بہت تو مل جاؤں گا
.........اوہو
وہاں بھی ہو کا سناٹا ہے؟
دیکھو ... تھوڑی زحمت ہوگی، اندر والی جیب ٹٹولو
اک دو سکے، اک دو نوٹ بھی مل جاؤں تو مجھے بتانا
بےمصرف مصروف دنوں کی تنہائی سے چھٹے لے کر
آج کے دن تو خود کو گلے لگا کر مل لوں
محفلیں اپنے اپنے گھروں میں جمی ہوئی ہیں
دیکھو یہ اچھا موقع ہے
عید کا دن ہے
خود سے مل کر سوری کہہ لوں، قہقہے رو لوں
آج تو اپنی تنہائی سے لپٹ کے سو لوں
بھرا ہوا ہوں، ہلکا ہولوں
Neend Mubarak
Neend Mubarak
Khud hi khud ko jharak jharak kar pooch raha hoon
Almari mein tanga pada hoon
Mujhe utaaro, saamne waali jaib mein dekho
Is mein meri bachi kuchhi tanhai hogi
Murra tura kuch mein bhi hoon ga
Gin ke bataao, kitna kitna khud par woh sab kharch karoon to
Kitne roz nikaal sakoon ga
Kya bola? Main wahaan nahin hoon !!!
Dayen bayen waali jaibon mein bhi jhaanko
Thoda bohot to mil jaaoon ga
.........oho
Wahaan bhi hoo ka sannata hai?
Dekho ... thodi zehmat hogi, andar waali jaib tatolo
Ek do sikke, ek do note bhi mil jaaoon to mujhe batana
Be-masraf masroof dinon ki tanhai se chhute le kar
Aaj ke din to khud ko gale laga kar mil loon
Mehfilen apne apne gharon mein jami hui hain
Dekho yeh achha mauqa hai
Eid ka din hai
Khud se mil kar sorry keh loon, qahqahe ro loon
Aaj to apni tanhai se lipat ke so loon
Bhara hua hoon, halka ho loon
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں