پرسہ — انجم سلیمی
شاعر
پرسہ
پرسہ
بستر پر مٹھی بھر ہڈیاں رہ گئیں
تو مسیحا نے بتایا
اب مٹی پر زیادہ حق مٹی کا ہے
سو ہم نے مٹی پر مٹی لیپ کر اس پر ایک چراغ
کا کتبہ لکھا
رات!!! صبح تک ہوا پھونکتی پھرتی تھی
اور ستارے ہماری ہتھیلیوں پر پڑے میلے
ہوتے رہے
آنسوؤں کو صبر کا کفن کہاں سے دیں
پھول اپنی خوشبو چھوڑتا ہے ہنسی نہیں چھوڑتا
غم زدو!!! چراغ آنکھوں کو سونپ دو
کہ آنسو صرف چراغ روتا ہے
جس ہاتھ پر چراغ دھرا تھا
وہ ہاتھ ہماری چھت تھا
در و دیوار پر چھت نہ رہے
تو بادل بھی حوصلہ ہار دیتے ہیں
تمہارے آسمان پر روتے ہوئے خیال آیا
میرا آسمان بھی کتنا بوڑھا ہو گیا ہے
کچھ آنسو بچا لے میرے دوست!
Pursaa
Pursaa
Bistar par mutthi bhar haddiyan reh gayin
Toh Maseeha ne bataya
Ab mitti par ziyada haq mitti ka hai
So hum ne mitti par mitti leep kar us par ek chiragh
Ka kutba likha
Raat!!! Subah tak hawa phoonkti phirti thi
Aur sitare hamari hathelion par pade maile
Hote rahe
Aansuon ko sabar ka kafan kahan se dein
Phool apni khushboo chodta hai hansi nahin chodta
Gham-zado!!! Chiragh aankhon ko sonp do
Ke aansoo sirf chiragh rota hai
Jis haath par chiragh dhara tha
Woh haath hamari chhat tha
Dar-o-deewar par chhat na rahe
Toh badal bhi hausla haar dete hain
Tumhare asmaan par rote hue khayal aaya
Mera asmaan bhi kitna boodha ho gaya hai
Kuch aansoo bacha le mere dost!
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں