قدم قدم سامنا ہوا شرمساریوں سے — انجم سلیمی
شاعر
قدم قدم سامنا ہوا شرمساریوں سے
قدم قدم سامنا ہوا شرمساریوں سے
گزر کے آیا ہوں ذات کی راہ داریوں سے
ملال ہی جب نہیں،تو کوئی گلہ بھی کیسا
تری ہنرمندیوں ، سلیقہ شعاریوں سے
ہیں خواب بھی اب پناہ دینے سے مجھ کو قاصر
میں نیند میں ڈر رہا ہوں اپنے شکاریوں سے
کسی طرح بھر نہیں رہے ہیں طلب کے کاسے
دعاؤں کی بھیک مانگتے ہیں بھکاریوں سے
کہاں رکے گی یہ سست رو زندگی کی گاڑی
میں سخت بیزار ،ساتھ بیٹھی سواریوں سے
Qadam qadam saamna hua sharmsaariyon se
Qadam qadam saamna hua sharmsaariyon se
Guzar ke aaya hoon zaat ki raah daariyon se
Malal hi jab nahin, to koi gila bhi kaisa
Teri hunarmandiyon, saleeqa sha'ariyon se
Hain khwaab bhi ab panah dene se mujh ko qaasir
Main neend mein dar raha hoon apne shikaariyon se
Kisi tarah bhar nahin rahe hain talab ke kaase
Duaaon ki bheek mangte hain bhikariyon se
Kahan rukegi yeh sust raw zindagi ki gaadi
Main sakht bezaar, saath baithi sawariyon se
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں