عمر کی ساری تھکن لاد کے گھر جاتا ہوں — انجم سلیمی
شاعر
عمر کی ساری تھکن لاد کے گھر جاتا ہوں
عمر کی ساری تھکن لاد کے گھر جاتا ہوں
رات بستر پہ میں سوتا نہیں مر جاتا ہوں
اکثر اوقات بھرے شہر کے سناٹے میں
اس قدر زور سے ہنستا ہوں کہ ڈر جاتا ہوں
مجھ سے پوچھے تو سہی آئینہ خانہ میرا
خال و خد لے کے میں ہم راہ کدھر جاتا ہوں
دل ٹھہر جاتا ہے بھولی ہوئی منزل میں کہیں
میں کسی دوسرے رستے سے گزر جاتا ہوں
سہما رہتا ہوں بہت حلقۂ احباب میں میں
چار دیوار میں آتے ہی بکھر جاتا ہوں
میرے آنے کی خبر صرف دیا رکھتا ہے
میں ہواؤں کی طرح ہو کے گزر جاتا ہوں
میں نے جو اپنے خلاف آپ گواہی دی ہے
وہ ترے حق میں نہیں ہے تو مکر جاتا ہوں
Umar ki saari thakan laad ke ghar jata hoon
Umar ki saari thakan laad ke ghar jata hoon
Raat bistar pe main sota nahin mar jata hoon
Aksar auqaat bhare shahr ke sannate mein
Is qadar zor se hansta hoon ke dar jata hoon
Mujh se poochhe to sahi aaina-khana mera
Khaal-o-khat le ke main humrah kidhar jata hoon
Dil thahar jata hai bhooli hui manzil mein kahin
Main kisi doosre raste se guzar jata hoon
Sehma rehta hoon bahut halqa-e-ahbab mein main
Char diwar mein aate hi bikhar jata hoon
Mere aane ki khabar sirf diya rakhta hai
Main hawaon ki tarah ho ke guzar jata hoon
Main ne jo apne khilaf aap gawahi di hai
Woh tere haq mein nahin hai to mukar jata hoon
شاعر کے بارے میں
انجم سلیمی اردو اور پنجابی کے معروف معاصر شاعر، ریڈیو اینکر اور ادبی و ثقافتی کارکن ہیں۔ وہ 10 اکتوبر 1963ء کو فیصل آباد (سابقہ لائل پور) میں ایک ک...
مکمل تعارف پڑھیں