عیاں ہے بے رخی چتون سے اور غصہ نگاہوں سے — آرزو لکھنوی
شاعر
عیاں ہے بے رخی چتون سے اور غصہ نگاہوں سے
عیاں ہے بے رخی چتون سے اور غصہ نگاہوں سے
پیام خامشی اور وہ بھی دو دو نشر گاہوں سے
وبال جاں ہے ایسی زندگی جس میں تلاطم ہو
مٹا لوں حوصلے پھر توبہ کر لوں گا گناہوں سے
فضا محدود کب ہے اے دل وحشی فلک کیسا
نلاہٹ ہے نظر کی دیکھتے ہیں جو نگاہوں سے
حقیقت میں نگاہوں سے کوئی منزل نہیں بچتی
گزرتے دیکھے ہیں گوشہ نشیں تک شاہراہوں سے
تہی دستان قسمت کو نہ لینا تھا نہ دینا تھا
حساب زندگی کیا ہے یہ پوچھو بادشاہوں سے
ہمیں تو جلتے دل کی روشنی میں آگے بڑھنا ہے
ہٹا دو قمقمے بجلی کے نا ہموار راہوں سے
مرے نالوں کے سب شاکی کوئی ان کو نہیں کہتا
کھرچتے رہتے ہیں جو زخم دل خونی نگاہوں سے
پلا دو زہر غم دل کو نہ چھوڑے گر ہوس کاری
گنہ وہ ایک اچھا جو بچا لے سو گناہوں سے
ہمیں کچھ آرزوؔ پھیر ان کی باتوں کا سمجھتے ہیں
جو حق پوشی میں سچ کو جھوٹ کرتے ہیں گواہوں سے
Ayān hai be-rukhī chiton se aur ghussa nigāhon se
Ayān hai be-rukhī chiton se aur ghussa nigāhon se
Payām-e-khāmushī aur wo bhi do do nashr-gāhon se
Wabāl-e-jān hai aisī zindagī jis mein talātum ho
Miṭā luun hausle phir tauba kar luun gā gunāhon se
Fazā mehdood kab hai aye dil-e-wahshī falak kaisā
Nalāhaṭ hai nazar kī dekhte hain jo nigāhon se
Haqīqat mein nigāhon se koī manzil nahīn bachtī
Guzarte dekhe hain goshe-nashīn tak shāh-rāhon se
Thī dāstān qismat ko na lena tha na dena tha
Hisāb-e-zindagī kyā hai ye pūchho bādshāhon se
Hamīn to jalte dil kī roshanī mein aage baṛhnā hai
Haṭā do qumqume bijlī ke nā-hamwār rāhon se
Mere nālon ke sab shākī koī un ko nahīn kahtā
Khurachte rahte hain jo zakhm-e-dil khoonī nigāhon se
Pilā do zehar-e-gham dil ko na chhoṛe gar hawas-kārī
Gunah wo ek achha jo bachā le sau gunāhon se
Hamein kuchh Aarzoo phir un kī bāton ka samajhte hain
Jo haq-poshī mein sach ko jhooṭ karte hain gawāhon se
شاعر کے بارے میں
آرزو لکھنوی اردو کے اُن ہمہ جہت اور قدآور شعرا میں شمار ہوتے ہیں جنہوں نے کلاسیکی روایت کو جدید تقاضوں سے ہم آہنگ کیا۔ ان کا اصل نام سید انور حسین ...
مکمل تعارف پڑھیں