نہ کوئی جلوتی نہ کوئی خلوتی نہ کوئی خاص تھا نہ کوئی عام تھا — آرزو لکھنوی
شاعر
نہ کوئی جلوتی نہ کوئی خلوتی نہ کوئی خاص تھا نہ کوئی عام تھا
نہ کوئی جلوتی نہ کوئی خلوتی نہ کوئی خاص تھا نہ کوئی عام تھا
نہ کوئی حسن تھا نہ کوئی عشق تھا نہ یہی نام تھا نہ وہی نام تھا
نہ کوئی تھا مکیں نہ کوئی تھا مکاں نہ کوئی تھی زمیں نہ کوئی تھا زماں
نہ کوئی شرق تھا نہ کوئی غرب تھا نہ دم صبح تھا نہ سر شام تھا
ازل لایزل ابد بے بدل جو بنے آج کل افق صد عمل
نہ کہیں تھے خفی نہ کہیں تھے جلی نہ کوئی تھا نشاں نہ کوئی نام تھا
طلب مدعا ہوس ناروا جو کبھی کچھ کہا وہ ہوئے بے مزہ
وہ بجائے جزا سخن ناسترا شجر حرص کا ثمر خام تھا
جو لگے آگ بھی تو نہ ہو ضو فشاں جو بجھے شعلہ بھی تو نہ اٹھے دھواں
نہ گلہ ہجر کا نہ صلہ عشق کا یہ وہی حکم تھا جو مرے نام تھا
جو بجھی شمع دل تو بڑھی روشنی جو پیا زہر غم تو بڑھی زندگی
یہ تو ہی اب بتا ذرا منصفی یہ ترا کام تھا کہ مرا کام تھا
سخن آرزوؔ چمن آرزو ختن آرزو عدن آرزو
یہ در بے صدف قمر با شرف نہ تہ خانہ تھا نہ سر بام تھا
Na koī jalwatī na koī khalwatī na koī khās tha na koī aam tha
Na koī jalwatī na koī khalwatī na koī khās tha na koī aam tha
Na koī husn tha na koī ishq tha na yahī nām tha na wahī nām tha
Na koī thā makīn na koī thā makān na koī thī zamīn na koī thā zamān
Na koī sharq tha na koī gharb tha na dam-e-subh tha na sar-e-shām tha
Azal lā-yazal abad be-badal jo bane aaj kal ufuq sad amal
Na kahīn the khafī na kahīn the jalī na koī thā nishān na koī nām tha
Talab mudda'a hawas nā-rawā jo kabhī kuchh kahā wo hue be-mazā
Wo bajāye jazā sukhan nā-sazā shajar-e-hirs ka samar-e-khām tha
Jo lage aag bhi to na ho zau-fishān jo bujhe sho'la bhi to na uṭhe dhuān
Na gila-e-hijr ka na sila-e-ishq ka ye wahī hukm tha jo mere nām tha
Jo bujhī sham'-e-dil to baṛhī roshanī jo piyā zehar-e-gham to baṛhī zindagī
Ye to hī ab batā zarā munsifī ye terā kaam tha ke merā kaam tha
Sukhan Aarzoo chaman-e-Aarzoo khutan-e-Aarzoo adan-e-Aarzoo
Ye dur-e-be-sadaf qamar bā-sharaf na teh-khāna tha na sar-e-bām tha
شاعر کے بارے میں
آرزو لکھنوی اردو کے اُن ہمہ جہت اور قدآور شعرا میں شمار ہوتے ہیں جنہوں نے کلاسیکی روایت کو جدید تقاضوں سے ہم آہنگ کیا۔ ان کا اصل نام سید انور حسین ...
مکمل تعارف پڑھیں