کس مست ادا سے آنکھ لڑی متوالا بنا لہرا کے گرا — آرزو لکھنوی
شاعر
کس مست ادا سے آنکھ لڑی متوالا بنا لہرا کے گرا
کس مست ادا سے آنکھ لڑی متوالا بنا لہرا کے گرا
آگے تو ہیں راہیں اور کٹھن دل پہلے ہی ٹھوکر کھا کے گرا
آگے جو بڑھا تھرائے قدم وہ ہنس جو دیے شرما کے گرا
بے ہوش نہیں ہشیار تھا میں اٹھنے کا سہارا پا کے گرا
دل شوق کے جوش میں دوڑ چلا اور جوش تو ہوتا ہے اندھا
در بند پڑا تھا قسمت کا ٹکر جو لگی تیورا کے گرا
جتنی بھی دل کی ضرورت تھی بس اتنی ہی ہمت و طاقت تھی
رستے کی کھکھیڑیں جھیل گیا پاس آتے ہی میں چکرا کے گرا
کیا عشق کی منزل بھی ہے کڑی بندھ بندھ کر ہمت ٹوٹ گئی
جو ایک قدم چل کر سنبھلا وہ دو قدم آگے جا کے گرا
سلگی ہوئی ہے غم کی بھٹی دل کیوں نہ پگھل کے بنے پانی
جو قطرہ آنسو ہو کے بہا لہرا کے چلا تیورا کے گرا
وہ نالہ فلک سے ٹکرایا وہ آرزوؔ اک تارا ٹوٹا
دشمن کی طرف جو لپکا تھا شعلہ وہ مجھی پر آ کے گرا
Kis mast adaa se aankh ladi, matwala bana lehra ke gira
Kis mast adaa se aankh ladi matwala bana lehra ke gira
Aage to hain raahen aur kathin dil pehle hi thokar kha ke gira
Aage jo badha tharraye qadam woh hans jo diye sharma ke gira
Be-hosh nahin hoshiyar tha main uthne ka sahara pa ke gira
Dil shauq ke Josh mein daud chala aur Josh to hota hai andha
Dar band pada tha qismat ka takkar jo lagi teora ke gira
Jitni bhi dil ki zaroorat thi bas itni hi himmat o taaqat thi
Raste ki khakheeden jheel gaya paas aate hi main chakra ke gira
Kya ishq ki manzil bhi hai kadi bandh bandh kar himmat toot gayi
Jo ek qadam chal kar sambhala woh do qadam aage ja ke gira
Sulgi hui hai gham ki bhatti dil kyun na pighal ke bane paani
Jo qatra aansoo ho ke baha lehra ke chala teora ke gira
Woh nala falak se takraya woh Aarzoo ik taara toota
Dushman ki taraf jo lapka tha shola woh mujhi par aa ke gira
شاعر کے بارے میں
آرزو لکھنوی اردو کے اُن ہمہ جہت اور قدآور شعرا میں شمار ہوتے ہیں جنہوں نے کلاسیکی روایت کو جدید تقاضوں سے ہم آہنگ کیا۔ ان کا اصل نام سید انور حسین ...
مکمل تعارف پڑھیں