مرے جوش غم کی ہے عجب کہانی — آرزو لکھنوی
شاعر
مرے جوش غم کی ہے عجب کہانی
مرے جوش غم کی ہے عجب کہانی
کبھی اٹھتا شعلہ کبھی بہتا پانی
ہے خوشی کا سودا خلش نہانی
ہے جگر کا چھالا ثمر جوانی
جو خوشی ہے فانی تو ہے غم بھی فانی
نہ یہ جاودانی نہ وہ جاودانی
ازلی محبت ابدی کہانی
کہ پس فنا ہے نئی زندگانی
ستم و رضا میں یہ ہے عہد محکم
جو تری کہانی وہ مری کہانی
وہ اٹھیں گے طوفاں کہ خدا بچائے
یہ نئے نظارے یہ بھری جوانی
یہ نگاہ ترچھی یہ بل ابروؤں کا
ہر ادا ہے دل کش مگر امتحانی
مری کشتئ دل دم آہ و افغاں
کبھی بادبانی تو کبھی دہانی
در دل سے پلٹا ہر اک آنے والا
تری یاد کیا تھی مری پاسبانی
یہ ترا تلون یہ بدلتی چتون
عجب اک بلا ہے کہ ہے ناگہانی
مری کشت دل پر پئے ژالہ باری
ہے سپید بادل عقب جوانی
کبھی آرزو تھا یہی داغ حسرت
مجھے جو بنا دے تری مہربانی
Mere Josh-e-gham ki hai ajab kahani
Mere Josh-e-gham ki hai ajab kahani
Kabhi uthta shola kabhi behta paani
Hai khushi ka sauda khalish-e-nihani
Hai jigar ka chhala samar jawani
Jo khushi hai faani to hai gham bhi faani
Na yeh jaavedani na woh jaavedani
Azali muhabbat abadi kahani
Ke pas-e-fana hai nayi zindagani
Sitam o raza mein yeh hai ahd-e-muhkam
Jo teri kahani woh meri kahani
Woh uthenge toofaan ke Khuda bachaye
Yeh naye nazare yeh bhari jawani
Yeh nigah tirchhi yeh bal abruon ka
Har adaa hai dilkash magar imtehani
Meri kashti-e-dil dam-e-aah o afghaan
Kabhi baadbaani to kabhi dahaani
Dar-e-dil se palta har ik aane wala
Teri yaad kya thi meri pasbani
Yeh tera talawwun yeh badalti chitwan
Ajab ik bala hai ke hai naagahani
Meri kasht-e-dil par paye zala baari
Hai safed badal aqab jawani
Kabhi Aarzoo tha yehi daagh-e-hasrat
Mujhe jo bana de teri meherbani
شاعر کے بارے میں
آرزو لکھنوی اردو کے اُن ہمہ جہت اور قدآور شعرا میں شمار ہوتے ہیں جنہوں نے کلاسیکی روایت کو جدید تقاضوں سے ہم آہنگ کیا۔ ان کا اصل نام سید انور حسین ...
مکمل تعارف پڑھیں