جنون شوق اب بھی کم نہیں ہے — اسرار الحق مجاز
شاعر
جنون شوق اب بھی کم نہیں ہے
جنون شوق اب بھی کم نہیں ہے
مگر وہ آج بھی برہم نہیں ہے
بہت مشکل ہے دنیا کا سنورنا
تری زلفوں کا پیچ و خم نہیں ہے
بہت کچھ اور بھی ہے اس جہاں میں
یہ دنیا محض غم ہی غم نہیں ہے
تقاضے کیوں کروں پیہم نہ ساقی
کسے یاں فکر بیش و کم نہیں ہے
ادھر مشکوک ہے میری صداقت
ادھر بھی بد گمانی کم نہیں ہے
مری بربادیوں کا ہم نشینو
تمہیں کیا خود مجھے بھی غم نہیں ہے
ابھی بزم طرب سے کیا اٹھوں میں
ابھی تو آنکھ بھی پر نم نہیں ہے
بہ ایں سیل غم و سیل حوادث
مرا سر ہے کہ اب بھی خم نہیں ہے
مجازؔ اک بادہ کش تو ہے یقیناً
جو ہم سنتے تھے وہ عالم نہیں ہے
Junoon-e-shauq ab bhi kam nahin hai
Junoon-e-shauq ab bhi kam nahin hai
Magar wo aaj bhi barham nahin hai
Bahut mushkil hai duniya ka sanwarna
Teri zulfon ka pech-o-kham nahin hai
Bahut kuch aur bhi hai is jahan mein
Ye duniya mahaz gham hi gham nahin hai
Taqaze kyun karun paiham na Saqi
Kise yaan fikr-e-besh-o-kam nahin hai
Idhar mashkook hai meri sadaqat
Udhar bhi bad-gumani kam nahin hai
Meri barbaadiyon ka ham-nasheeno
Tumhein kya khud mujhe bhi gham nahin hai
Abhi bazm-e-tarab se kya uthoon main
Abhi to aankh bhi pur-nam nahin hai
Ba-een sail-e-gham-o-sail-e-hawadis
Mera sar hai ke ab bhi kham nahin hai
Majaz ek baada-kash tu hai yaqeenan
Jo hum sunte the wo aalam nahin hai
شاعر کے بارے میں
اسرار الحق مجاز، جنہیں ہم شاعری میں تخلص مجاز کے نام سے جانتے ہیں، اردو ادب کے عظیم غزل گو اور نثر نگار تھے۔ وہ ۱۹ اکتوبر ۱۹۱۱ کو قریہ روداولی، ضلع...
مکمل تعارف پڑھیں