رہ شوق سے اب ہٹا چاہتا ہوں — اسرار الحق مجاز
شاعر
رہ شوق سے اب ہٹا چاہتا ہوں
رہ شوق سے اب ہٹا چاہتا ہوں
کشش حسن کی دیکھنا چاہتا ہوں
کوئی دل سا درد آشنا چاہتا ہوں
رہ عشق میں رہنما چاہتا ہوں
تجھی سے تجھے چھیننا چاہتا ہوں
یہ کیا چاہتا ہوں یہ کیا چاہتا ہوں
خطاؤں پہ جو مجھ کو مائل کرے پھر
سزا اور ایسی سزا چاہتا ہوں
وہ مخمور نظریں وہ مدہوش آنکھیں
خراب محبت ہوا چاہتا ہوں
وہ آنکھیں جھکیں وہ کوئی مسکرایا
پیام محبت سنا چاہتا ہوں
تجھے ڈھونڈھتا ہوں تری جستجو ہے
مزا ہے کہ خود گم ہوا چاہتا ہوں
یہ موجوں کی بے تابیاں کون دیکھے
میں ساحل سے اب لوٹنا چاہتا ہوں
کہاں کا کرم اور کیسی عنایت
مجازؔ اب جفا ہی جفا چاہتا ہوں
Rah-e-shauq se ab hata chahta hoon
Rah-e-shauq se ab hata chahta hoon
Kashish-e-husn ki dekhna chahta hoon
Koi dil sa dard-aashna chahta hoon
Rah-e-ishq mein rahnuma chahta hoon
Tujhi se tujhe chheenna chahta hoon
Yeh kya chahta hoon yeh kya chahta hoon
Khataon pe jo mujh ko maail kare phir
Saza aur aisi saza chahta hoon
Woh makhmoor nazrein woh madhosh aankhein
Kharaab-e-mohabbat hua chahta hoon
Woh aankhein jhukein woh koi muskuraya
Payaam-e-mohabbat suna chahta hoon
Tujhe dhoondhta hoon teri justujoo hai
Maza hai ke khud gum hua chahta hoon
Yeh maujon ki betaabiyaan kaun dekhe
Main saahil se ab lautna chahta hoon
Kahan ka karam aur kaisi inayat
Majaazؔ ab jafa hi jafa chahta hoon
شاعر کے بارے میں
اسرار الحق مجاز، جنہیں ہم شاعری میں تخلص مجاز کے نام سے جانتے ہیں، اردو ادب کے عظیم غزل گو اور نثر نگار تھے۔ وہ ۱۹ اکتوبر ۱۹۱۱ کو قریہ روداولی، ضلع...
مکمل تعارف پڑھیں