ساقی گلفام باصد اہتمام آ ہی گیا — اسرار الحق مجاز
شاعر
ساقی گلفام باصد اہتمام آ ہی گیا
ساقی گلفام باصد اہتمام آ ہی گیا
نغمہ بر لب خم بہ سر بادہ بہ جام آ ہی گیا
اپنی نظروں میں نشاط جلوۂ خوباں لیے
خلوتی خاص سوئے بزم عام آ ہی گیا
میری دنیا جگمگا اٹھی کسی کے نور سے
میرے گردوں پر مرا ماہ تمام آ ہی گیا
جھوم جھوم اٹھے شجر کلیوں نے آنکھیں کھول دیں
جانب گلشن کوئی مست خرام آ ہی گیا
پھر کسی کے سامنے چشم تمنا جھک گئی
شوق کی شوخی میں رنگ احترام آ ہی گیا
میری شب اب میری شب ہے میرا بادہ میرے جام
وہ مرا سرو رواں ماہ تمام آ ہی گیا
بارہا ایسا ہوا ہے یاد تک دل میں نہ تھی
بارہا مستی میں لب پر ان کا نام آ ہی گیا
زندگی کے خاکۂ سادہ کو رنگیں کر دیا
حسن کام آئے نہ آئے عشق کام آ ہی گیا
کھل گئی تھی صاف گردوں کی حقیقت اے مجازؔ
خیریت گزری کہ شاہیں زیر دام آ ہی گیا
Saqi-e-gulfam ba-sad ehtemaam aa hi gaya
Saqi-e-gulfam ba-sad ehtemaam aa hi gaya
Naghma bar lab kham ba sar baada ba jaam aa hi gaya
Apni nazron mein nishat-e-jalwa-e-khooban liye
Khalwati-e-khaas sue-bazm-e-aam aa hi gaya
Meri duniya jagmaga uthi kisi ke noor se
Mere gardoon par mera maah-e-tamaam aa hi gaya
Jhoom jhoom uthe shajar kaliyon ne aankhein khol dein
Jaanib-e-gulshan koi mast-e-khiraam aa hi gaya
Phir kisi ke saamne chashm-e-tamanna jhuk gayi
Shauq ki shokhi mein rang-e-ehtiraam aa hi gaya
Meri shab ab meri shab hai mera baada mere jaam
Woh mera sarv-e-ravaan maah-e-tamaam aa hi gaya
Baarha aisa hua hai yaad tak dil mein na thi
Baarha masti mein lab par un ka naam aa hi gaya
Zindagi ke khake-e-saada ko rangeen kar diya
Husn kaam aaye na aaye ishq kaam aa hi gaya
Khul gayi thi saaf gardoon ki haqeeqat aye Majaazؔ
Khairiyat guzri ke shaheen zeer-e-daam aa hi gaya
شاعر کے بارے میں
اسرار الحق مجاز، جنہیں ہم شاعری میں تخلص مجاز کے نام سے جانتے ہیں، اردو ادب کے عظیم غزل گو اور نثر نگار تھے۔ وہ ۱۹ اکتوبر ۱۹۱۱ کو قریہ روداولی، ضلع...
مکمل تعارف پڑھیں