کچھ تجھ کو خبر ہے ہم کیا کیا اے شورش دوراں بھول گئے — اسرار الحق مجاز
شاعر
کچھ تجھ کو خبر ہے ہم کیا کیا اے شورش دوراں بھول گئے
کچھ تجھ کو خبر ہے ہم کیا کیا اے شورش دوراں بھول گئے
وہ زلف پریشاں بھول گئے وہ دیدۂ گریاں بھول گئے
اے شوق نظارہ کیا کہئے نظروں میں کوئی صورت ہی نہیں
اے ذوق تصور کیا کیجے ہم صورت جاناں بھول گئے
اب گل سے نظر ملتی ہی نہیں اب دل کی کلی کھلتی ہی نہیں
اے فصل بہاراں رخصت ہو ہم لطف بہاراں بھول گئے
سب کا تو مداوا کر ڈالا اپنا ہی مداوا کر نہ سکے
سب کے تو گریباں سی ڈالے اپنا ہی گریباں بھول گئے
یہ اپنی وفا کا عالم ہے اب ان کی جفا کو کیا کہئے
اک نشتر زہر آگیں رکھ کر نزدیک رگ جاں بھول گئے
Kuchh tujh ko khabar hai hum kya kya ae shorish-e-dauraan bhool gaye
Kuchh tujh ko khabar hai hum kya kya ae shorish-e-dauraan bhool gaye
Wo zulf-e-pareshan bhool gaye wo deeda-e-giryaan bhool gaye
Ae shauq-e-nazara kya kahiye nazron mein koi surat hi nahin
Ae zauq-e-tasawwur kya keeje hum surat-e-jaanan bhool gaye
Ab gul se nazar milti hi nahin ab dil ki kali khilti hi nahin
Ae fasl-e-baharan rukhsat ho hum lutf-e-baharan bhool gaye
Sab ka to madawa kar dala apna hi madawa kar na sake
Sab ke to girebaan si daale apna hi girebaan bhool gaye
Ye apni wafa ka aalam hai ab un ki jafa ko kya kahiye
Ek nashtar zehr-aageen rakh kar nazdeek rag-e-jaan bhool gaye
شاعر کے بارے میں
اسرار الحق مجاز، جنہیں ہم شاعری میں تخلص مجاز کے نام سے جانتے ہیں، اردو ادب کے عظیم غزل گو اور نثر نگار تھے۔ وہ ۱۹ اکتوبر ۱۹۱۱ کو قریہ روداولی، ضلع...
مکمل تعارف پڑھیں