نوجوان خاتون سے — اسرار الحق مجاز
شاعر
نوجوان خاتون سے
حجاب فتنہ پرور اب اٹھا لیتی تو اچھا تھا
خود اپنے حسن کو پردا بنا لیتی تو اچھا تھا
تری نیچی نظر خود تیری عصمت کی محافظ ہے
تو اس نشتر کی تیزی آزما لیتی تو اچھا تھا
تری چین جبیں خود اک سزا قانون فطرت میں
اسی شمشیر سے کار سزا لیتی تو اچھا تھا
یہ تیرا زرد رخ یہ خشک لب یہ وہم یہ وحشت
تو اپنے سر سے یہ بادل ہٹا لیتی تو اچھا تھا
دل مجروح کو مجروح تر کرنے سے کیا حاصل
تو آنسو پونچھ کر اب مسکرا لیتی تو اچھا تھا
ترے زیر نگیں گھر ہو محل ہو قصر ہو کچھ ہو
میں یہ کہتا ہوں تو ارض و سما لیتی تو اچھا تھا
اگر خلوت میں تو نے سر اٹھایا بھی تو کیا حاصل
بھری محفل میں آ کر سر جھکا لیتی تو اچھا تھا
ترے ماتھے کا ٹیکا مرد کی قسمت کا تارا ہے
اگر تو ساز بے داری اٹھا لیتی تو اچھا تھا
عیاں ہیں دشمنوں کے خنجروں پر خون کے دھبے
انہیں تو رنگ عارض سے ملا لیتی تو اچھا تھا
سنانیں کھینچ لی ہیں سرپھرے باغی جوانوں نے
تو سامان جراحت اب اٹھا لیتی تو اچھا تھا
ترے ماتھے پہ یہ آنچل بہت ہی خوب ہے لیکن
تو اس آنچل سے اک پرچم بنا لیتی تو اچھا تھا
Naujawan Khatoon se
Hijab fitna parwar ab utha leti to achha tha
Khud apne husn ko parda bana leti to achha tha
Teri neechi nazar khud teri ismat ki muhafiz hai
Tu is nashtar ki tezi aazma leti to achha tha
Teri cheen jabeen khud ek saza qanoon-e-fitrat mein
Isi shamshir se kaar-e-saza leti to achha tha
Ye tera zard rukh ye khushk lab ye wahm ye wahshat
Tu apne sar se ye baadal hata leti to achha tha
Dil majrooh ko majrooh-tar karne se kya hasil
Tu aansu poonchh kar ab muskura leti to achha tha
Tere zir-e-nagin ghar ho mahal ho qasr ho kuch ho
Main ye kehta hoon tu arz-o-sama leti to achha tha
Agar khilwat mein tu ne sar uthaya bhi to kya hasil
Bhari mehfil mein aa kar sar jhuka leti to achha tha
Tere maathe ka teeka mard ki qismat ka tara hai
Agar tu saaz-e-bedari utha leti to achha tha
Ayaan hain dushmanon ke khanjarron par khoon ke dhabbe
Inhein tu rang-e-aariz se mila leti to achha tha
Sinaanein kheench li hain sir-phire baaghi jawano ne
Tu samaan-e-jarahat ab utha leti to achha tha
Tere maathe pe ye aanchal bahut hi khoob hai lekin
Tu is aanchal se ek parcham bana leti to achha tha
شاعر کے بارے میں
اسرار الحق مجاز، جنہیں ہم شاعری میں تخلص مجاز کے نام سے جانتے ہیں، اردو ادب کے عظیم غزل گو اور نثر نگار تھے۔ وہ ۱۹ اکتوبر ۱۹۱۱ کو قریہ روداولی، ضلع...
مکمل تعارف پڑھیں