یوں ہی بیٹھے رہو بس درد دل سے بے خبر ہو کر — اسرار الحق مجاز
شاعر
یوں ہی بیٹھے رہو بس درد دل سے بے خبر ہو کر
یوں ہی بیٹھے رہو بس درد دل سے بے خبر ہو کر
بنو کیوں چارہ گر تم کیا کرو گے چارہ گر ہو کر
دکھا دے ایک دن اے حسن رنگیں جلوہ گر ہو کر
وہ نظارہ جو ان آنکھوں میں رہ جائے نظر ہو کر
دل سوز آشنا کے جلوے تھے جو منتشر ہو کر
فضائے دہر میں چمکا کئے برق و شرر ہو کر
وہی جلوے جو اک دن دامن دل سے گریزاں تھے
نظر میں رہ گئے گل ہائے دامان نظر ہو کر
فلک کی سمت کس حسرت سے تکتے ہیں معاذ اللہ
یہ نالے نارسا ہو کر یہ آہیں بے اثر ہو کر
یہ کس کے حسن کے رنگین جلوے چھائے جاتے ہیں
شفق کی سرخیاں بن کر تجلیٔ سحر ہو کر
Yun Hi Baithe Raho Bas Dard-e-Dil Se Be Khabar Ho Kar
Yun hi baithe raho bas dard-e-dil se be khabar ho kar
Bano kyun charagar tum kya karoge charagar ho kar
Dikha de ek din ae husn-e-rangin jalwa gar ho kar
Woh nazara jo in aankhon mein reh jaye nazar ho kar
Dil soz-ashna ke jalwe the jo muntashir ho kar
Faza-e-dahr mein chamka kiye barq o sharar ho kar
Wahi jalwe jo ik din daman-e-dil se gurezan the
Nazar mein reh gaye gul haye daman-e-nazar ho kar
Falak ki simt kis hasrat se takte hain ma'az Allah
Ye nale-e-na-rasa ho kar ye aahen be-asar ho kar
Ye kis ke husn ke rangin jalwe chhaye jate hain
Shafaq ki surkhiyan ban kar tajalli-e-sehar ho kar
شاعر کے بارے میں
اسرار الحق مجاز، جنہیں ہم شاعری میں تخلص مجاز کے نام سے جانتے ہیں، اردو ادب کے عظیم غزل گو اور نثر نگار تھے۔ وہ ۱۹ اکتوبر ۱۹۱۱ کو قریہ روداولی، ضلع...
مکمل تعارف پڑھیں