آج تک پھرتا رہا میں تجھ میں ہی کھویا ہوا — آزاد گلاٹی
شاعر
آج تک پھرتا رہا میں تجھ میں ہی کھویا ہوا
آج تک پھرتا رہا میں تجھ میں ہی کھویا ہوا
تجھ سے بچھڑا ہوں تو خود سے مل لیا اچھا ہوا
زندگی کی چلچلاتی دھوپ میں ایسا ہوا
مدتوں ہم پر نہ تیری یاد کا سایا ہوا
دل سے شاید تیرا غم بھی اب جدا ہونے کو ہے
پھر رہا ہوں ان دنوں خود سے بھی میں الجھا ہوا
تم چمکتی کار پھولوں کی مہک اک اجنبی
ایسے لگتا ہے یہ منظر ہے مرا دیکھا ہوا
ریزہ ریزہ ہو گیا میں تو نے جب آواز دی
تیری خاموشی سے تھا میں اس قدر ٹوٹا ہوا
کتنی یادیں آنسوؤں میں تھرتھرا کر رہ گئیں
اس نے جب پوچھا کہو آزادؔ تم کو کیا ہوا
Aaj tak phirta raha main tujh mein hi khoya hua
Aaj tak phirta raha main tujh mein hi khoya hua
Tujh se bichhda hoon to khud se mil liya achha hua
Zindagi ki chal-chalati dhoop mein aisa hua
Muddaton hum par na teri yaad ka saaya hua
Dil se shayad tera gham bhi ab juda hone ko hai
Phir raha hoon in dinon khud se bhi main uljha hua
Tum chamakti car phoolon ki mahak ek ajnabi
Aise lagta hai yeh manzar hai mera dekha hua
Reza reza ho gaya main tu ne jab aawaz di
Teri khamoshi se tha main us qadar toota hua
Kitni yaadein aansuon mein tharthara kar reh gayeen
Us ne jab poocha kaho Azad! tum ko kya hua
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں