سرحد کون و مکاں سے لا مکاں لے جائے گا — آزاد گلاٹی
شاعر
سرحد کون و مکاں سے لا مکاں لے جائے گا
سرحد کون و مکاں سے لا مکاں لے جائے گا
جب زمیں چھوڑے گی ہم کو آسماں لے جائے گا
رات سے قائم ہیں ان کے سائے کی خوش فہمیاں
جب چڑھا سورج تو سارے سائباں لے جائے گا
ہم حصار ذات سے نکلے تو ہیں پر دیکھیے
ٹوٹ کر خود سے بکھرنا اب کہاں لے جائے گا
خامشی ہی خامشی کے کرب کا اظہار ہو
لفظ خاموشی سے لطف داستاں لے جائے گا
دل کی خوشبو سے ہے زندہ ان کے رنگوں کی دھنک
وقت ساری خواہشوں کی تتلیاں لے جائے گا
Sarhad kaun o makaan se la-makaan le jayega
Sarhad kaun o makaan se la-makaan le jayega
Jab zameen chhode gi hum ko aasmaan le jayega
Raat se qaim hain un ke saaye ki khush-fehmiyan
Jab chadha suraj to saare saayebaan le jayega
Hum hisaar-e-zaat se nikle to hain par dekhiye
Toot kar khud se bikharna ab kahan le jayega
Khamoshi hi khamoshi ke karb ka izhar ho
Lafz khamoshi se lutf-e-dastaan le jayega
Dil ki khushboo se hai zinda un ke rangon ki dhanak
Waqt saari khwahishon ki titliyan le jayega
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں