آنے والے حادثوں کے خوف سے سہمے ہوئے — آزاد گلاٹی
شاعر
آنے والے حادثوں کے خوف سے سہمے ہوئے
آنے والے حادثوں کے خوف سے سہمے ہوئے
لوگ پھرتے ہیں کہ جیسے خواب ہوں ٹوٹے ہوئے
صبح دیکھا تو نہ تھا کچھ پاس الجھن کے سوا
رات ہم بیٹھے رہے کس سوچ میں ڈوبے ہوئے
اپنے دکھ میں ڈوب کر وسعت ملی کیسی ہمیں
ہیں زمیں سے آسماں تک ہم ہی ہم پھیلے ہوئے
آج آئینے میں خود کو دیکھ کر یاد آ گیا
ایک مدت ہو گئی جس شخص کو دیکھے ہوئے
جسم کی دیوار گر جائے تو کچھ احساس ہو
اپنے اندر ہم پڑے ہیں کس قدر سمٹے ہوئے
کس سے پوچھیں رات بھر اپنے بھٹکنے کا سبب
سب یہاں ملتے ہیں جیسے نیند میں جاگے ہوئے
اس نگر کے جگمگاتے راستوں پر گھوم کر
ہم چلے آئے غموں کی دھول میں لپٹے ہوئے
جن کو اے آزادؔ بخشی تھی مہک ہم نے کبھی
اب وہی رستے ہمارے واسطے کانٹے ہوئے
Aane wale hadson ke khauf se sehame hue
Aane wale hadson ke khauf se sehame hue
Log phirte hain ke jaise khwab hon toote hue
Subah dekha to na tha kuch paas uljhan ke siwa
Raat hum baithe rahe kis soch mein doobe hue
Apne dukh mein doob kar wusat mili kaisi hamein
Hain zameen se aasman tak hum hi hum phaile hue
Aaj aaine mein khud ko dekh kar yaad aa gaya
Ek muddat ho gayi jis shakhs ko dekhe hue
Jism ki deewar gir jaaye to kuch ehsaas ho
Apne andar hum pade hain kis qadar simte hue
Kis se poochhein raat bhar apne bhatakne ka sabab
Sab yahan milte hain jaise neend mein jaage hue
Is nagar ke jagmagate raston par ghoom kar
Hum chale aaye ghamon ki dhool mein lipte hue
Jin ko aye 'Azad' bakhshi thi mehak hum ne kabhi
Ab wahi raste hamare waaste kaante hue
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں