اپنی ساری کاوشوں کو رائیگاں میں نے کیا — آزاد گلاٹی
شاعر
اپنی ساری کاوشوں کو رائیگاں میں نے کیا
اپنی ساری کاوشوں کو رائیگاں میں نے کیا
میرے اندر جو نہ تھا اس کو بیاں میں نے کیا
سر پہ جب سایا رہا کوئی نہ دوران سفر
اس کی یادوں کو پھر اپنا سائباں میں نے کیا
اب یہاں پر سانس تک لینا مجھے دشوار ہے
کس تمنا پر زمیں کو آسماں میں نے کیا
لمحہ لمحہ وقت کے ہاتھوں کیا خود کو سپرد
سب گنوا بیٹھا تو پھر فکر زیاں میں نے کیا
جب نہ اس کے اور میرے درمیاں کچھ بھی رہا
خود کو ہی پھر اس کے اپنے درمیاں میں نے کیا
دونوں چپ تھے زور سے چلتی ہوا کے سامنے
پھر اچانک خشک پتوں کو زباں میں نے کیا
Apni saari kawishon ko raaigaan main ne kiya
Apni saari kawishon ko raaigaan main ne kiya
Mere andar jo na tha us ko bayaan main ne kiya
Sar pe jab saaya raha koi na dauraan-e-safar
Uski yaadon ko phir apna saaibaan main ne kiya
Ab yahan par saans tak lena mujhe dushwaar hai
Kis tamanna par zameen ko aasmaan main ne kiya
Lamha lamha waqt ke haathon kiya khud ko supurd
Sab ganwa baitha to phir fikr-e-ziyan main ne kiya
Jab na uske aur mere darmiyan kuch bhi raha
Khud ko hi phir uske apne darmiyan main ne kiya
Donon chup the zor se chalti hawa ke saamne
Phir achaanak khushk patton ko zubaan main ne kiya
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں