بہت لمبا سفر تپتی سلگتی خواہشوں کا تھا — آزاد گلاٹی
شاعر
بہت لمبا سفر تپتی سلگتی خواہشوں کا تھا
بہت لمبا سفر تپتی سلگتی خواہشوں کا تھا
مگر سایا ہمارے سر پہ گزری ساعتوں کا تھا
سروں پہ ہاتھ اپنے گھر کی بوسیدہ چھتوں کا تھا
مگر محفوظ سا منظر ہمارے آنگنوں کا تھا
کسی بھی سیدھے رستے کا سفر ملتا اسے کیوں کر
کہ وہ مسدود خود اپنے بنائے دائروں کا تھا
کبھی ہنستے ہوئے آنسو کبھی روتی ہوئی خوشیاں
کرشمہ جو بھی تھا سارا ہماری ہی حسوں کا تھا
خود اپنی کاوشوں سے ہم نے اپنی قسمتیں لکھیں
مگر کچھ ہاتھ ان میں بھی ہمارے دشمنوں کا تھا
نئے رشتے مقدس خواب سے آواز دیتے تھے
مگر آسیب سا دل پر گزشتہ رابطوں کا تھا
کسے ملتی نجات آزادؔ ہستی کے مسائل سے
کہ ہر کوئی مقید آب و گل کے سلسلوں کا تھا
Bahut lamba safar tapti sulagti khwahishon ka tha
Bahut lamba safar tapti sulagti khwahishon ka tha
Magar saya hamare sar pe guzri sa'aton ka tha
Saron pe haath apne ghar ki boseeda chhaton ka tha
Magar mehfooz sa manzar hamare aangano ka tha
Kisi bhi seedhe raste ka safar milta use kyun kar
Ke woh masdood khud apne banaye dairon ka tha
Kabhi hanste hue aansoo kabhi roti hui khushiyan
Karishma jo bhi tha sara hamari hi hissoun ka tha
Khud apni kawishon se hum ne apni qismatein likhin
Magar kuch haath un mein bhi hamare dushmanon ka tha
Naye rishte muqaddas khwab se awaz dete the
Magar aseeb sa dil par guzashta rabton ka tha
Kise milti nijaat Azad, hasti ke masail se
Ke har koi muqayyad aab-o-gil ke silsilon ka tha
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں