دن میں اس طرح مرے دل میں سمایا سورج — آزاد گلاٹی
شاعر
دن میں اس طرح مرے دل میں سمایا سورج
دن میں اس طرح مرے دل میں سمایا سورج
رات آنکھوں کے افق پر ابھر آیا سورج
اپنی تو رات بھی جلتے ہی کٹی دن کی طرح
رات کو سو تو گیا دن کا ستایا سورج
صبح نکلا کسی دلہن کی دمک رخ پہ لیے
شام ڈوبا کسی بیوہ سا بجھایا سورج
رات کو میں مرا سایا تھے اکٹھے دونوں
لے گیا چھین کے دن کو مرا سایا سورج
دن گزرتا نہ تھا کم بخت کا تنہا جلتے
وادئ شب سے مجھے ڈھونڈ کے لایا سورج
تو نے جس دن سے مجھے سونپ دیا ظلمت کو
تب سے دن میں بھی نہ مجھ کو نظر آیا سورج
آسماں ایک سلگتا ہوا صحرا ہے جہاں
ڈھونڈھتا پھرتا ہے خود اپنا ہی سایا سورج
دن کو جس نے ہمیں نیزوں پہ چڑھائے رکھا
شب کو ہم نے وہی پلکوں پہ سلایا سورج
Din mein is tarah mere dil mein samaya suraj
Din mein is tarah mere dil mein samaya suraj
Raat aankhon ke ufaq par ubhar aaya suraj
Apni to raat bhi jalte hi kati din ki tarah
Raat ko so to gaya din ka sataya suraj
Subah nikla kisi dulhan ki damak rukh pe liye
Shaam dooba kisi bewa sa bujhaya suraj
Raat ko main mera saaya the ikathe donon
Le gaya chheen ke din ko mera saaya suraj
Din guzarta na tha kam bakht ka tanha jalte
Wadi-e-shab se mujhe dhoond ke laya suraj
Tu ne jis din se mujhe sonp diya zulmat ko
Tab se din mein bhi na mujh ko nazar aaya suraj
Aasmaan ek sulagta hua sehra hai jahan
Dhoondhta phirta hai khud apna hi saaya suraj
Din ko jis ne humein nezon pe chadhae rakha
Shab ko hum ne wahi palkon pe sulaya suraj
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں