ڈوب کر خود میں کبھی یوں بے کراں ہو جاؤں گا — آزاد گلاٹی
شاعر
ڈوب کر خود میں کبھی یوں بے کراں ہو جاؤں گا
ڈوب کر خود میں کبھی یوں بے کراں ہو جاؤں گا
ایک دن میں بھی زمیں پر آسماں ہو جاؤں گا
ریزہ ریزہ ڈھلتا جاتا ہوں میں حرف و صوت میں
رفتہ رفتہ اک نہ اک دن میں بیاں ہو جاؤں گا
تم بلاؤ گے تو آئے گی صدائے بازگشت
وہ بھی دن آئے گا جب سونا مکاں ہو جاؤں گا
تم ہٹا لو اپنے احسانات کی پرچھائیاں
مجھ کو جینا ہے تو اپنا سائباں ہو جاؤں گا
یہ سلگتا جسم ڈھل جائے گا جب برفاب میں
میں بدلتے موسموں کی داستاں ہو جاؤں گا
منتظر صدیوں سے ہوں آزادؔ اس لمحے کا جب
روز روشن کی طرح خود پر عیاں ہو جاؤں گا
Doob kar khud mein kabhi yoon be-karaan ho jaunga
Doob kar khud mein kabhi yoon be-karaan ho jaunga
Ek din main bhi zameen par aasman ho jaunga
Reza reza dhalta jaata hoon main harf-o-saut mein
Rafta rafta ik na ik din main bayaan ho jaunga
Tum bulaoge to aayegi sada-e-baazgasht
Woh bhi din aayega jab soona makaan ho jaunga
Tum hata lo apne ehsaasaat ki parchhaiyan
Mujh ko jeena hai to apna saaiban ho jaunga
Yeh sulagta jism dhal jaayega jab barfaab mein
Main badalte mausamon ki dastaan ho jaunga
Muntazir sadiyon se hoon Azad, is lamhe ka jab
Roz-e-roshan ki tarah khud par ayan ho jaunga
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں