ایک ہنگامہ بپا ہے مجھ میں — آزاد گلاٹی
شاعر
ایک ہنگامہ بپا ہے مجھ میں
ایک ہنگامہ بپا ہے مجھ میں
کوئی تو مجھ سے بڑا ہے مجھ میں
انکساری مرا شیوہ ہے مگر
اک ذرا زعم انا ہے مجھ میں
مجھ سے وہ کیسے بڑا ہے کہیے
جب خدا میرا چھپا ہے مجھ میں
میں نہیں ہوں تو مرا کون ہے یہ
اتنے جنموں جو رہا ہے مجھ میں
وہی لمحے تو غزل چھیڑتے ہیں
جن کی گم گشتہ صدا ہے مجھ میں
دشت ظلمات میں ہمراہ مرے
کوئی تو ہے جو جلا ہے مجھ میں
Ek hangama bapa hai mujh mein
Ek hangama bapa hai mujh mein
Koi to mujh se bada hai mujh mein
Inkasaari mera shiwa hai magar
Ik zara za'm-e-ana hai mujh mein
Mujh se woh kaise bada hai kahiye
Jab Khuda mera chhupa hai mujh mein
Main nahin hoon to mera kaun hai yeh
Itne janmon jo raha hai mujh mein
Wohi lamhe to ghazal chhedte hain
Jin ki gumgushta sada hai mujh mein
Dasht-e-zulmaat mein hamrah mere
Koi to hai jo jala hai mujh mein
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں