گو مرا ساتھ مری اپنی نظر نے نہ دیا — آزاد گلاٹی
شاعر
گو مرا ساتھ مری اپنی نظر نے نہ دیا
گو مرا ساتھ مری اپنی نظر نے نہ دیا
دشت تنہائی میں اے دل تجھے ڈرنے نہ دیا
زندگی کتنا تری بات کا ہے پاس ہمیں
تو نے جو زخم دیا ہم نے وہ بھرنے نہ دیا
ایک وہ ہیں کہ جنہیں اپنی خوشی لے ڈوبی
ایک ہم ہیں کہ جنہیں غم نے ابھرنے نہ دیا
آپ جس رہگزر دل سے کبھی گزرے تھے
اس پہ تا عمر کسی کو بھی گزرنے نہ دیا
ہم تو ہر حال سنوارا کیے حالات آزادؔ
ہم کو حالات نے ہر چند سنورنے نہ دیا
Go mira saath miri apni nazar ne na diya
Go mira saath miri apni nazar ne na diya
Dasht-e-tanhai mein aye dil tujhe darne na diya
Zindagi kitna teri baat ka hai paas hamein
Tu ne jo zakhm diya hum ne woh bharne na diya
Ek woh hain ke jinhein apni khushi le doobi
Ek hum hain ke jinhein gham ne ubharne na diya
Aap jis rehguzar-e-dil se kabhi guzre the
Us pe taa umr kisi ko bhi guzarne na diya
Hum to har haal sanwara kiye halaat 'Azad'
Hum ko halaat ne har chand sanwarne na diya
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں