ہماری آنکھ میں ٹھہرا ہوا سمندر تھا — آزاد گلاٹی
شاعر
ہماری آنکھ میں ٹھہرا ہوا سمندر تھا
ہماری آنکھ میں ٹھہرا ہوا سمندر تھا
مگر وہ کیا تھا جو صحرائے دل کے اندر تھا
اسی کو زلف میں ٹانکے یہ آرزو کیوں کر
وہ پھول جو کہ تری دسترس سے باہر تھا
وہ وقت آئے گا جب خود تمہی یہ سوچو گی
ملا نہ ہوتا اگر تجھ سے میں تو بہتر تھا
ہر ایک انگ لبالب بھرا ہو جیسے جام
تمہارا جسم تھا یا مے کدے کا منظر تھا
اسے بھی جاتے ہوئے تم نے مجھ سے چھین لیا
تمہارا غم تو مری آرزو کا زیور تھا
بہت قریب سے دیکھا تھا اس کو اے آزادؔ
وہ آرزو کا مری اک حسین پیکر تھا
Hamari aankh mein thehra hua samandar tha
Hamari aankh mein thehra hua samandar tha
Magar woh kya tha jo sahra-e-dil ke andar tha
Isi ko zulf mein taanke yeh aarzoo kyon kar
Woh phool jo keh teri dastaras se bahar tha
Woh waqt aayega jab khud tumhi yeh socho gi
Mila na hota agar tujh se main to behtar tha
Har ek ang labalab bhara ho jaise jaam
Tumhara jism tha ya maykade ka manzar tha
Use bhi jaate hue tum ne mujh se chheen liya
Tumhara gham to meri aarzoo ka zewar tha
Bahut qareeb se dekha tha us ko ae Azad!
Woh aarzoo ka meri ek haseen paikar tha
شاعر کے بارے میں
آزاد گلاٹی اردو کے ممتاز جدید غزل گو شعرا میں شمار ہوتے ہیں جنہوں نے روایت اور جدت کے حسین امتزاج سے اپنی منفرد ادبی شناخت قائم کی۔ وہ 1935ء میں ...
مکمل تعارف پڑھیں